ମୁମ୍ବାଇ: ଦେଶର ପ୍ରମୁଖ ମୋଟରସାଇକେଲ ବ୍ରାଣ୍ଡ୍ ବଜାଜ ଅଟୋ ପକ୍ଷରୁ ନୂଆ ବାଇକ୍ ଆଭେଞ୍ଜର ୧୮୦ ଆସନ୍ତା ମାସରେ ଲଞ୍ଚ୍ କରାଯିବାର ସମ୍ଭାବନା ରହିଛି । ଏହି ନୂଆ ବାଇକ୍ଟି ସୁଜୁକୀର କ୍ରମଶଃ ଲୋକପ୍ରିୟ ହେଉଥିବା ଇଣ୍ଟ୍ରୁଡର ୧୫୦ ବାଇକ୍ ସହ ପ୍ରତିଯୋଗିତା କରିବାର ସମ୍ଭାବନା ରହିଛି । ଗୁରୁତ୍ୱପୂର୍ଣ୍ଣ କଥା ହେଉଛି ଏହି ନୂଆ ବାଇକ୍ଟି ଇଣ୍ଟ୍ରୁଡର ୧୫୦ ତୁଳନାରେ ଶସ୍ତା ରହିବ । ଇଣ୍ଟ୍ରୁଡର ୧୫୦ର ମୂଲ୍ୟ ୯୮,୩୪୦ ଟଙ୍କା ରହିଥିବାବେଳେ ନୂଆ ବଜାଜ୍ ଆଭେଞ୍ଜର ୧୮୦ର ମୂଲ୍ୟ ୮୫,୦୦୦ ଟଙ୍କା ରଖାଯାଇଥିବା ଜଣାଯାଇଛି । ନୂଆ ବଜାଜ ଆଭେଞ୍ଜର ୧୮୦ରେ ରହିଛି ୫ ସ୍ପିଡ୍ ମାନୁଆଲ ଗିଅର ବକ୍ସ । ଏହାର ୧୭ ବିଏଚପି ଇଂଜିନ ୧୧୪ ଏନଏମ ଟର୍କ ସୃଷ୍ଟି କରେ । ଏଥିରେ ଲାଗିଛି ୧୭୮.୨ ସିସି ସିଙ୍ଗଲ ସିଲିଣ୍ଡର ଇଂଜିନ । ଏହା ଡିସ୍କ ବ୍ରେକ୍ ଓ ସିଙ୍ଗଲ ଚ୍ୟାନେଲ ଏବିଏସ ଫିଚର ରହିବ । ଏଥିରେ ମଧ୍ୟ ଡିଜିଟାଲ ଇନଷ୍ଟମେଣ୍ଟ କ୍ଲଷ୍ଟର ଓ ଏଲଇଡି ଲାଇଟ୍ ଆଦି ଅତ୍ୟାଧୁନିକ ବ୍ୟବସ୍ଥା ରହିବ ।
Sambad is now on WhatsApp
Join and get latest news updates delivered to you via WhatsApp
ତେବେ ବଜାଜର ପୂର୍ବରୁ ଆଭେଞ୍ଜର ୧୫୦ ମଡେଲ ଥିବାବେଳେ ତାହାକୁ ଧୀରେ ଧୀରେ ପ୍ରତ୍ୟାହାର କରିନେଇ ତା ବଦଳରେ ଏହି ଆଭେଞ୍ଜର ୧୮୦ ମଡେଲ ବଜାରକୁ ଛାଡ଼ବ ବୋଲି କେତେକ ଗଣମାଧ୍ୟମରେ ଖବର ପ୍ରକାଶ ପାଇଛି । ଅନ୍ୟପକ୍ଷରେ ବଜାଜ ଆଭେଞ୍ଜରର ୨୨୦ ଭର୍ସନ ମଧ୍ୟ ରହିଛି ଯାହାକି ଉଭୟ କ୍ରୁଜ ଓ ଷ୍ଟ୍ରିଟ୍ ଭାରିଆଣ୍ଟରେ ମିଳୁଛି ।