ଇନ୍ଦୋର : ଚଳିତ ଆର୍ଥିକ ବର୍ଷର ପ୍ରଥମ ତିନି ମାସ (ଏପ୍ରିଲ୍-ଜୁନ୍) ଭିତରେ ୧୮ଟି ସରକାରୀ ବ୍ୟାଙ୍କରେ ୩୨ ହଜାର କୋଟି ଟଙ୍କାର ଜାଲିଆତି ହୋଇଛି। ସୂଚନା ଅଧିକାର ଆଇନ ବଳରେ ଏହି ତଥ୍ୟ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ହୋଇଥିବା ଜାଲିଆତି ମଧ୍ୟରୁ ୩୮% ଭାରତୀୟ ଷ୍ଟେଟ୍ ବ୍ୟାଙ୍କରେ ହୋଇଛି। ଷ୍ଟେଟ୍ ବ୍ୟାଙ୍କରେ ୧୨,୦୧୨ କୋଟି ଟଙ୍କା ମୂଲ୍ୟର ୧୧୯୭ଟି ଜାଲିଆତି ହୋଇଥିବା ଜଣାପଡ଼ିଛି।
ଏହା ପରେ ଆହ୍ଲାବାଦ ବ୍ୟାଙ୍କରେ ଦ୍ବିତୀୟ ସର୍ବାଧିକ ୩୮୧ଟି ଜାଲିଆତି ହୋଇଥିବା ବେଳେ ସେଥିରେ ୨୮୫୫ କୋଟି ଟଙ୍କା ଜଡ଼ିତ ରହିଛି। ପଞ୍ଜାବ ନ୍ୟାସନାଲ ବ୍ୟାଙ୍କରେ ୨୫୨୬ କୋଟି ଟଙ୍କାର ୯୯ଟି ଜାଲିଆତି ମାମଲା ଚିହ୍ନଟ ହୋଇଛି। ରିଜର୍ଭ ବ୍ୟାଙ୍କ ଠାରୁ ଏହି ସୂଚନା ମିଳିଛି। ତେବେ କେଉଁ କେଉଁ କ୍ଷେତ୍ରରେ ଜାଲିଆତି ହୋଇଛି ତାହାର ସୂଚନା ରିଜର୍ଭ ବ୍ୟାଙ୍କ ଦେଇନାହିଁ। ଏହି ସବୁ ଜାଲିଆତି ଯୋଗୁ ବ୍ୟାଙ୍କଗୁଡ଼ିକ କେତେ କ୍ଷତି ସହିଛନ୍ତି ତାହାର ଉତ୍ତର ମଧ୍ୟ ରିଜର୍ଭ ବ୍ୟାଙ୍କ ଦେଇନାହିଁ।
ବ୍ୟାଙ୍କ ଅଫ୍ ମହାରାଷ୍ଟ୍ର, ଆନ୍ଧ୍ର ବ୍ୟାଙ୍କ, ଇଣ୍ଡିଆନ ବ୍ୟାଙ୍କ, ପଞ୍ଜାବ ଆଣ୍ଡ୍ ସିନ୍ଧ ବ୍ୟାଙ୍କ ସମେତ ଦେଶର ପ୍ରାୟ ସବୁ ସରକାରୀ ବ୍ୟାଙ୍କ ଜାଲିଆତିର ଶିକାର ହୋଇଥିବା ଜଣାପଡ଼ିଛି।
କେଉଁ ବ୍ୟାଙ୍କରେ କେତେ
ବ୍ୟାଙ୍କ ଜାଲିଆତି ସଂଖ୍ୟା କୋଟି ଟଙ୍କା
ଷ୍ଟେଟ୍ ବ୍ୟାଙ୍କ ୧୧୯୭ ୧୨,୦୧୨
ଆହ୍ଲାବାଦ ବ୍ୟାଙ୍କ ୩୮୧ ୨୮୫୫
ପିଏନ୍ବି ୯୯ ୨୫୨୬
ବିଓବି ୭୫ ୨୨୯୭
ଓବିସି ୪୫ ୨୧୩୩
କାନାରା ବ୍ୟାଙ୍କ ୬୯ ୨୦୩୮
ସେଣ୍ଟ୍ରାଲ୍ ବ୍ୟାଙ୍କ ୧୯୪ ୧୯୮୨
ୟୁନାଇଟେଡ୍ ବ୍ୟାଙ୍କ ୩୧ ୧୧୯୬
କର୍ପୋରେସନ ବ୍ୟାଙ୍କ ୧୬ ୯୬୦
ଆଇଓବି ୪୬ ୯୩୪
ସିଣ୍ଡିକେଟ ବ୍ୟାଙ୍କ ୫୪ ୭୯୫
ୟୁନିଅନ ବ୍ୟାଙ୍କ ୫୧ ୭୫୩
ବିଓଆଇ ୪୨ ୫୧୭
ୟଚୁକୋ ବ୍ୟାଙ୍କ ୩୪ ୪୭୦