ଆଜାଦୀ କା ଅମୃତ ମହୋତ୍ସବରେ ବ୍ୟାଙ୍କ ଋଣ ସଂଯୋଗୀକରଣ କାର୍ଯ୍ୟକ୍ରମ ୮ରେ
ଭୁବନେଶ୍ବର: ଆଜାଦୀ କା ଅମୃତ ମହୋତ୍ସବର ଅଂଶ ଭାବେ ଅର୍ଥ ମନ୍ତ୍ରଣାଳୟର ଆଇକନିକ୍ ସପ୍ତାହରେ ବିଭିନ୍ନ ପ୍ରକାର ଋଣ ମଞ୍ଜୁରି ଓ ଜନ ସୁରକ୍ଷା ଯୋଜନାର ସଂଯୋଗୀକରଣ କାର୍ଯ୍ୟକ୍ରମ ଆୟୋଜିତ ହେବ। ଚଳିତ ମାସ ୮ରେ ଓଡ଼ିଶାର ବ୍ୟାଙ୍କ ଶାଖା ଓ ଜିଲ୍ଲା ମୁଖ୍ୟ କାର୍ଯ୍ୟାଳୟଗୁଡ଼ିକରେ କ୍ରେଡିଟ୍ ଆଉଟ୍ରିଚ୍ କାର୍ଯ୍ୟକ୍ରମ, ପ୍ରଧାନମନ୍ତ୍ରୀ ଜୀବନଜ୍ୟୋତି ବୀମା ଯୋଜନା, ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନାର ହିତାଧିକାରୀଙ୍କ ନାମକୁ ତାଲିକାଭୁକ୍ତ କରାଯିବ, ଗ୍ରାହକ ସଚେତନତା ଓ ଶାଖା ସ୍ତରରେ ଆର୍ଥିକ ସାକ୍ଷରତା କାର୍ଯ୍ୟକ୍ରମ ଆଦି ଅନୁଷ୍ଠିତ ହେବ। ଗ୍ରାହକମାନେ ବ୍ୟାଙ୍କ ଶାଖାରେ ପହଞ୍ଚି ଏହାର ଲାଭ ଉଠାଇପାରିବେ।