ଜାନୁଆରି ୩୧ରୁ ୨ ଦିନ ପାଇଁ ବ୍ୟାଙ୍କ ଧର୍ମଘଟ, କିନ୍ତୁ ଲଗାତାର ୪ ଦିନ ବନ୍ଦ ରହିବ ବ୍ୟାଙ୍କ
ଭୁବନେଶ୍ୱର : ଚଳିତ ଜାନୁଆରି ମାସ ଶେଷ ଓ ଫେବ୍ରୁଆରି ଆରମ୍ଭରେ ଲଗାତାର ୪ ଦିନ ବ୍ୟାଙ୍କ ବନ୍ଦ ରହିବ । ଏହା ଫଳରେ ବ୍ୟାଙ୍କ ସେବା ପ୍ରଭାବିତ ହେବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ଜାନୁଆରି ୩୦ ତାରିଖ ଗୁରୁବାର ବସନ୍ତ ପଞ୍ଚମୀ ବା ସରସ୍ୱତୀ ପୂଜା ଯୋଗୁଁ ଓଡ଼ିଶା ସମେତ ଦେଶର କେତେକ ରାଜ୍ୟରେ ବ୍ୟାଙ୍କ ଛୁଟି ରହିବ । ଜାନୁଆରୀ ୩୧ ଓ ଫେବ୍ରୁଆରୀ ୧ ରେ ବ୍ୟାଙ୍କ ଧର୍ମଘଟ ଯୋଗୁଁ କାରବାର ବନ୍ଦ ରହିବ । ଫେବ୍ରୁଆରୀ ୨ ତାରିଖ ରବିବାର ହୋଇଥିବା ଯୋଗୁଁ ସ୍ୱାଭାବିକଭାବେ ବ୍ୟାଙ୍କ ବନ୍ଦ ରହିବ ।
ଦରମା ବୃଦ୍ଧି ପ୍ରସଙ୍ଗରେ ଇଣ୍ଡିଆନ ବ୍ୟାଙ୍କ ସଂଘ ସହିତ ଚାଲିଥିବା କଥାବାର୍ତ୍ତା ବିଫଳ ହେବାରୁ ବ୍ୟାଙ୍କ ୟୁନିଅନଗୁଡ଼ିକ ଆସନ୍ତା ଜାନୁଆରି ୩୧ ଓ ଫେବ୍ରୁଆରି ୧ ତାରିଖରେ ବ୍ୟାଙ୍କ ଧର୍ମଘଟ ଡାକରା ଦେଇଛନ୍ତି । ସେହିପରି ୟୁନାଇଟେଡ ଫୋରମ ଅଫ ବ୍ୟାଙ୍କ ୟୁନିଅନ ପକ୍ଷରୁ ମଧ୍ୟ ଆସନ୍ତା ମାର୍ଚ୍ଚ ୧୧ରୁ ୧୩ ତାରିଖ ପର୍ଯ୍ୟନ୍ତ ଧର୍ମଘଟ ଡାକରା ଦିଆଯାଇଛି । ତଥାପି ସରକାର ଦାବି ନ ମାନିଲେ ଏପ୍ରିଲ ୧ରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବ୍ୟାଙ୍କ ଧର୍ମଘଟ କରାଯିବ ବୋଲି ୟୁନାଇଟେଡ ଫୋରମ ଅଫ ବ୍ୟାଙ୍କ ୟୁନିଅନ ପକ୍ଷରୁ ଚେତାବନୀ ଦିଆଯାଇଛି ।
ବ୍ୟାଙ୍କ ୟୁନିଅନଗୁଡ଼ିକ ୧୫ ପ୍ରତିଶତ ଦରମା ବୃଦ୍ଧି ଦାବି କରୁଥିବାବେଳେ ଭାରତୀୟ ବ୍ୟାଙ୍କ ସଂଘ ୧୨.୨୫ ପ୍ରତିଶତ ଦରମା ବୃଦ୍ଧି ପାଇଁ ରାଜି ହୋଇଛି ।