ବୁଲେଟକୁ ଟକ୍କର ଦେଉଛି ବେନେଲି ଇମ୍ପେରିଆଲ୍ ୪୦୦
ନୂଆଦିଲ୍ଲୀ: ଭାରତୀୟ ବଜାରରେ ଲଞ୍ଚ ହୋଇଥିବା ବେନେଲି ଇମ୍ପେରିଆଲ୍ ୪୦୦ ସୁପରବାଇକ୍ ବାଇକ ପ୍ରେମୀଙ୍କୁ ବେଶ ପସନ୍ଦ ଆସିଛି । ଇଟାଲୀର ସୁପରବାଇକ ନିର୍ମାଣକାରୀ କମ୍ପାନୀ ବେନେଲି ନିଜର ଏହି ବାଇକକୁ ଲଂଚ କରିବାର କିଛି କ୍ଷଣ ମଧ୍ୟରେ ଭାରତରେ ବେଶ୍ ଲୋକପ୍ରିୟ ଥିବା ରୟାଲ ଏନଫିଲ୍ଡ ଓ ଜାବାର ବାଇକକୁ ଟକ୍କର ମଧ୍ୟ ଦେଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ବେନେଲି ନିଜର ଏହି ବାଇକକୁ ଭାରତରେ ଲଂଚ କରିବା ପରେ ଭାରତରେ ବାଇକ୍ ବିକ୍ରି ହେଉଥିବା କ୍ଲାସିକ୍ ବାଇକ୍ ସେଗମେଂଟରେ ଆଉ ଏକ ନାଁ ଯୋଡି ହୋଇଯାଇଛି । ତେବେ ଏହି ବାଇକ କିଣିବା ପାଇଁ ଆପଣ ୪ହଜାର ଟଙ୍କା ଦେଇ ବୁକିଂ କରିପାରିବେ । ଏହି ବାଇକ ସହ କମ୍ପାନୀ ୩ବର୍ଷ ଯାଏଁ ୱାରେଂଟି ଦେବ ।
ମୁଖ୍ୟତଃ ବେନେଲିର ଏହି ବାଇକ ୩ଟି ରଙ୍ଗରେ ଉପଲବ୍ଧ । ସିଲଭର୍, ବ୍ଲାକ୍ ଏବଂ ରେଡ୍ । ସିଲଭର୍ ରଙ୍ଗ ବାଇକର ଏକ୍ସ ସୋ-ରୁମ୍ ଦାମ୍ ୧ଲକ୍ଷ ୬୯ହଜାର ଟଙ୍କା ହୋଇଥିବା ବେଳେ ନାଲି ଓ କଳା ରଙ୍ଗର ବାଇକ ଯଦି ଆପଣ ନେବାକୁ ଚାହୁଁଛନ୍ତି ତେବେ ଆପଣଙ୍କୁ ଅଧିକ ୧୦ହଜାର ଟଙ୍କା ଦେବାକୁ ପଡିବ ।