ନୂଆଦିଲ୍ଲୀ: ଅଧିକ ମୂଲ୍ୟ ହେତୁ ଟିକେଟ କିଣିଲେ ନାହିଁ ଯାତ୍ରୀ | ଆଉ ଏନେଇ ଏବେ ଚେତା ପଶିଛି | ଯାତ୍ରୀଙ୍କ ଅଭାବ ହେତୁ ‘ଭାରତ ଗୌରବ’ ଟ୍ରେନର ଭଡା ୨୦-୩୦ ପ୍ରତିଶତ ହ୍ରାସ କରାଯାଇପାରେ। ତେବେ ଏ ବାବଦରେ ଚୂଡ଼ାନ୍ତ ନିଷ୍ପତ୍ତି ନିଆଯାଇ ନାହିଁ। ସୂଚନାନୁସାରେ, ଏହି ଟ୍ରେନଗୁଡ଼ିକର ଭଡା ଅଧିକ ଥିବାରୁ ଯାତ୍ରୀମାନେ ଏହାର ଟିକେଟ କିଣିନଥିଲେ | ଯାହାଫଳରେ ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି) ଦୁଇଟି ସ୍ୱତନ୍ତ୍ର ପର୍ଯ୍ୟଟନ ପ୍ୟାକେଜ୍ ବାତିଲ କରିବାକୁ ବାଧ୍ୟ ହୋଇଥିଲା। ଆଉ ଏହି ସ୍ୱତନ୍ତ୍ର ଟ୍ରେନର ଭଡା ହ୍ରାସ କରିବାକୁ ରେଳବାଇ ପକ୍ଷରୁ ଆଇଆରସିଟିସିକୁ ପରାମର୍ଶ ଦିଆଯାଇଥିଲା | ତେବେ ପରାମର୍ଶ ଦିଆଯିବାର ବର୍ଷକ ପରେ ଏବେ ଏହି ସୂଚନା ମିଳିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଆଇଆରସିଟିସି ଏପର୍ଯ୍ୟନ୍ତ ସ୍ୱଦେଶ ଦର୍ଶନ ଯୋଜନା ରାମାୟଣ ସର୍କିଟରେ କେବଳ ଥରେ ଟ୍ରେନ ଚଳାଇବାରେ ସଫଳ ହୋଇଛି | କୁହାଯାଉଛି ଯେ ଭାରତ ଗୌରବ ପର୍ଯ୍ୟଟନ ଟ୍ରେନରେ ୧୮ ଦିନର ପ୍ୟାକେଜ୍ ପାଇଁ ଏସି-୩ ଶ୍ରେଣୀର ଭଡା ୬୨୦୦୦ ଟଙ୍କା ରହିଥିଲା | ଆଉ ଉନ୍ନତମାନର କୋଚ୍ ଏବଂ ଟୁର୍ ପ୍ୟାକେଜ୍ ସାହାଯ୍ୟରେ ଘରୋଇ ପର୍ଯ୍ୟଟନକୁ ପ୍ରୋତ୍ସାହିତ କରିବାକୁ ଭାରତ ଗୌରବ ଟ୍ରେନ୍ ଆରମ୍ଭ କରାଯାଇଥିଲା, କିନ୍ତୁ ଅଧିକ ଭଡା ଯୋଗୁଁ ଏହି ଟ୍ରେନ ଏକ ‘ବିଳାସପୂର୍ଣ୍ଣ ବ୍ରାଣ୍ଡ’ ହୋଇ ରହିଯାଇଥିଲା । ଆଉ ଖୁବ କମ ଲୋକ ହିଁ ଏହାର ଟିକେଟ ବୁକ କରିଥିବାବେଳେ ଅଧିକାଂଶ ଟିକେଟ ବିକ୍ରି ହୋଇନଥିଲା | ଆଉ ଏହା ପରେ ଏବେ ସ୍ଲିପର ଓ ଏସି-ତୃତୀୟ ଶ୍ରେଣୀର ଭଡା ୨୦-୩୦ ପ୍ରତିଶତ କମ କରିବାକୁ ବିଚାରବିମର୍ଶ ଚାଲିଛି |