କି ପ୍ୟାଡ଼ ଓ ୫ଜି ନେଟୱାର୍କ ସହ ପୁଣି ଫେରୁଛି ବ୍ଲାକବେରି
ନୂଆଦିଲ୍ଲୀ: ପୁଣି ଫେରୁଛି ବ୍ଲାକବେରି | ଏହାର ବ୍ୟବହାରକାରୀଙ୍କ ପାଇଁ ଏକ ଖୁସି ଖବର ହେଉଛି ଯେ ଖୁବ୍ ଶୀଘ୍ର କମ୍ପାନୀ ପୁନର୍ବାର ବଜାରକୁ ଫେରିବାକୁ ଯାଉଛି | ବ୍ଲାକବେରି ବର୍ତ୍ତମାନ କିପ୍ୟାଡ୍ ସହିତ ୫ଜି ଫୋନ୍ ଲଞ୍ଚ କରିବାକୁ ପ୍ରସ୍ତୁତ ହେଉଛି | ମିଳିଥିବା ସୂଚନା ମୁତାବକ ଅନ୍ୱାର୍ଡ ମୋବିଲିଟି ନାମକ ଏକ କମ୍ପାନୀ ବ୍ଲାକବେରି ଫୋନ୍ ଉତ୍ପାଦନ ପାଇଁ ଲାଇସେନ୍ସ ନେଇଛି ଏବଂ ବର୍ତ୍ତମାନ ବ୍ଲାକବେରି ବ୍ରାଣ୍ଡ ସ୍ମାର୍ଟଫୋନ୍ ବଜାରକୁ ଆଣିବ।
.@_OnwardMobility announces licensing agreement with BlackBerry to deliver a BlackBerry 5G Smartphone. Read the blog for details: https://t.co/qpjircdxvS pic.twitter.com/qmOIErDAi9
— BlackBerry (@BlackBerry) August 19, 2020
୨୦୨୧ ମସିହାରେ ବ୍ଲାକବେରି ବ୍ରାଣ୍ଡର ନୂତନ ସ୍ମାର୍ଟଫୋନ୍ ଲଂଚ କରାଯିବ ବୋଲି କମ୍ପାନୀ ପକ୍ଷରୁ କୁହାଯାଇଛି | ବ୍ଲାକବେରିର କାର୍ଯ୍ୟନିର୍ବାହୀ ଚେୟାରମ୍ୟାନ୍ ତଥା ସିଇଓ ଜନ୍ ଚେନ୍ କହିଛନ୍ତି ଯେ ‘ ଅନ୍ୱାର୍ଡ ମୋବିଲିଟି ଆମର କିବୋର୍ଡ୍ ସହିତ ବ୍ଲାକବେରୀ ୫ଜି ସ୍ମାର୍ଟଫୋନ୍ ଡିଭାଇସ୍ ଉପସ୍ଥାପନ କରିବ ଏବଂ ଆମର ବ୍ରାଣ୍ଡ ସହିତ ଉଚ୍ଚ ମାନର ବିଶ୍ୱାସ ଏବଂ ନିରାପତ୍ତାକୁ ବ୍ୟବହାର କରିବ।’
ବ୍ଲାକବେରିର ନୂଆ ଫୋନ୍ ଆଣ୍ଡ୍ରଏଡ୍ ଉପରେ ଆଧାରିତ ହୋଇପାରେ | ତଥାପି, ଏଥିରେ ଉପଭୋକ୍ତାମାନେ ବ୍ଲାକବେରି ସିକ୍ୟୁରିଟି ସିଷ୍ଟମର ସୁବିଧା ପାଇବେ | ଯାହା ଫୋନରେ ପ୍ରି-ଇନଷ୍ଟଲ୍ ହେବ |
