ଏବେ ଅନଲାଇନରେ ରେଳଟିକେଟ୍ ବୁକ କରନ୍ତୁ, ୧୫ ଦିନ ପରେ ଟଙ୍କା ଦିଅନ୍ତୁ
ନୂଆଦିଲ୍ଲୀ : ଏଣିକି ଗ୍ରାହକମାନେ ଅନ୍ ଲାଇନରେ ଇ-ଟିକେଟ ବୁକିଂ କରି ୧୫ ଦିନ ପରେ ଭଡ଼ାବାବଦ ଅର୍ଥ ଦେଇପାରିବେ । ଏ ନେଇ ଏକ ଯୋଜନା ରେଳବାଇ ଆରମ୍ଭ କରିଛି । ତେବେ ଏବେ ଏହାର ପରୀକ୍ଷାମୂଳକ ପ୍ରୟୋଗ କରାଯାଉଛି, ଖୁବଶୀଘ୍ର ଏହାକୁ ଆରମ୍ଭ କରାଯିବ ।
Sambad is now on WhatsApp
Join and get latest news updates delivered to you via WhatsApp
ଇଣ୍ଡିଆନ ରେଲୱେଜକ୍ୟାଟରିଂ ଆଣ୍ଡ ଟୁରିଜମ୍ କର୍ପୋରେସନ ଲିମିଟେଡ (IRCTC) ତରଫରୁ ମେସର୍ସ ଅର୍ଥଶାସ୍ତ୍ର ଫିନଟେକ୍ ପ୍ରାଇଭେଟ ଲିମିଟେଡ ଦ୍ୱାରା ‘ଇ-ପେ’ଲେଟର’ ନାମରେ ଏକ ପାଇଲଟ୍ ପ୍ରକଳ୍ପ ଆରମ୍ଭ କରାଯାଇଛି । ଏହି ଯୋଜନାରେ ଆଇଆରସିଟିସି ୱେବସାଇଟ ମାଧ୍ୟମରେ ଇ-ଟିକେଟରେବୁକିଂ କରି ୧୫ ଦିନ ପରେ ଦେୟ ପ୍ରଦାନର ବ୍ୟବସ୍ଥା ରହିଛି । ‘ଇ-ପେଲେଟର’ ବ୍ୟବହାର ପାଇଁ ମୋଟ ଦେୟ ଉପରେ ୩.୫୦% ସର୍ଭିସ ଚାର୍ଜଏବଂ ଅନ୍ୟାନ୍ୟ ଶୁଳ୍କ ଲାଗୁ ହେବ । ଆଇଆରସିଟିସି ମାଧ୍ୟମରେ ଅନଲାଇନରେ ଟିକେଟ ବ୍ୟବସ୍ଥା ଧୀରେ ଧୀରେ ଲୋକପ୍ରିୟ ହେବାରେ ଲାଗିଛି। ଏହାକୁ ଏକ ନଗଦବିହୀନ ବ୍ୟବସ୍ଥା ଭାବେ ପ୍ରୋତ୍ସାହିତ କରାଯାଉଛି । ଆଇଆରସିଟିସି ୱେବସାଇଟର ଦେୟ ପୃଷ୍ଠାରେ ଇପେଲେଟର ଦେୟ ବ୍ୟବସ୍ଥା ରହିଛି । ଏହାର ସମସ୍ତ ସର୍ତ୍ତ, ସର୍ଭିସ ଚାର୍ଜ ଏବଂ ଶୁଳ୍କର ବିବରଣୀଉକ୍ତ ପୃଷ୍ଠାରେ ରହିଛି । ଯାତ୍ରୀମାନେ ଯେପରି ଅଧିକରୁ ଅଧିକ ଅନଲାଇନ ଟିକେଟିଂ ପ୍ରତି ଆକର୍ଷିତ ହେବେ ସେହି ଉଦ୍ଦେଶ ନେଇ ଏହା ଆରମ୍ଭ କରାଯାଇଛି ।