ବିଜେତାଙ୍କ ମୁହଁରୁ...

ସମ୍ବାଦ ପକ୍ଷରୁ ବ୍ରାଣ୍ଡ୍‌ସ ଅଫ୍ ଓଡ଼ିଶା ପ୍ରାଇଡ୍ ଅଫ୍ ଇଣ୍ଡିଆ ସମ୍ବାଦ କର୍ପୋରେଟ୍ ଏକ୍ସଲେନ୍ସ ଆୱାର୍ଡସ୍‌ ୨୦୨୩ ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ବିଗତ ୫ ବର୍ଷ ଧରି ସମ୍ବାଦ ରାଜ୍ୟର ଖ୍ୟାତନାମା କମ୍ପାନିଙ୍କୁ ବିଭିନ୍ନ ବର୍ଗରେ ପୁରସ୍କୃତ କରିଆସୁଛି। ଅତୀତ ସଂସ୍କରଣଗୁଡ଼ିକରେ ପୁରସ୍କାର ଜିତିଥିବା କମ୍ପାନିର ମୁଖ୍ୟ ଓ ବରିଷ୍ଠ ଅଧିକାରୀମାନେ ସେମାନଙ୍କ ଅନୁଭୂତି ବିଷୟରେ ଯାହା କହିଛନ୍ତି ତାହ‌ା ଏଠାରେ ଉପସ୍ଥାପନ କରାଯାଇଛି।

ଯେଉଁଦିନ ସମ୍ବାଦର ଆୱାର୍ଡ ମିଳିଥିଲା ସଂଯୋଗବଶତଃ ସେଦିନ ମୋର ଜନ୍ମଦିନ ଥିଲା। ତେଣୁ ଏହା ମୋତେ ଅତ୍ୟନ୍ତ ଆନନ୍ଦ ଦେଇଥିଲା। ଜୀବନରେ ଅନେକ ପୁରସ୍କାର ଓ ସମ୍ମାନ ପାଇଛି, କିନ୍ତୁ ସମ୍ବାଦ ଗ୍ରୁପ୍‌ ପକ୍ଷରୁ ପୁରସ୍କାର ପାଇବା ଖୁସି ସବୁଠୁ ଉଲ୍ଲେଖନୀୟ ଥିଲା। ସମ୍ବାଦର ପୁରସ୍କାର ଆମ ଭଳି ଉଦ୍ୟୋଗୀମାନଙ୍କୁ ଉତ୍ସାହିତ କରିଛି।
ସୁନିଲ କୁମାର ମୁରର୍‌କା
ଗ୍ରୁପ୍ ହେଡ୍‌, ମୁସ୍କାନ ଗ୍ରୁପ୍‌, କଟକ

ସମ୍ବାଦର ଆୱାର୍ଡ ମୋ ପାଇଁ ଅତି ଉତ୍ସାହଜନକ ଥିଲା। ସମ୍ବାଦ ପକ୍ଷରୁ ଆରମ୍ଭ ହୋଇଥିବା ପୁରସ୍କାର ପ୍ରକୃତରେ ଛୋଟ, ମଧ୍ୟମ ଏବଂ ବୃହତ୍ ଉଦ୍ୟୋଗ କ୍ଷେତ୍ରରେ ରାଜ୍ୟର ପ୍ରତିଭାକୁ ଚିହ୍ନଟ କରିବାରେ ସହାୟକ ହେଉଛି। ଏହା ଉଦ୍ୟୋଗୀଙ୍କୁ ପ୍ରୋତ୍ସାହିତ କରୁଛି। ରାଜ୍ୟର ବିକାଶ ପ୍ରତି ସମ୍ବାଦର ପ୍ରତିବଦ୍ଧତା ଏହାଦ୍ବାରା ପ୍ରତିଫଳିତ ହେଉଛି।
ରାଜେନ୍ଦ୍ର କୁମାର ମିଶ୍ର, ମୁଖ୍ୟ କାର୍ଯ୍ୟନିର୍ବାହୀ, ମଡର୍ଣ୍ଣ ଟେଷ୍ଟ ସେଣ୍ଟର, ବ୍ରହ୍ମପୁର