‘ପାନ୍-ଆଧାର’ ସଂଯୋଗ ଶେଷ ତାରିଖ ଆସନ୍ତା ବର୍ଷ ମାର୍ଚ ୩୧ ପର୍ଯ୍ୟନ୍ତ ବୃଦ୍ଧି କଲେ କେନ୍ଦ୍ର ସରକାର
ନୂଆଦିଲ୍ଲୀ: କୋଭିଡ୍-୧୯ ମହାମାରୀ ସଂକ୍ରମଣ ହେତୁ ଶୁକ୍ରବାର ଦିନ କେନ୍ଦ୍ର ସରକାର ‘ପର୍ମାନେଣ୍ଟ୍ ଆକାଉଣ୍ଟ୍ ନମ୍ବର’ (ପାନ୍) ସହ ‘ଆଧାର’ ସଂଯୋଗ ସମୟସୀମା ୨୦୨୨ ମାର୍ଚ ୩୧ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗତକାଲି ଏକ ‘ପ୍ରେସ୍ ରିଲିଜ୍’ରେ ଆୟକର ବିଭାଗ ସୂଚନା ଦେଇଛି ଯେ, କୋଭିଡ୍-୧୯ ମହାମାରୀ କାରଣରୁ କରଦାତାମାନେ ସମ୍ମୁଖୀନ ହେଉଥିବା ଅସୁବିଧା ପ୍ରତି ଦୃଷ୍ଟି ଦେଇ ପୂର୍ବରୁ ସେପ୍ଟେମ୍ବର ୩୦ ତାରିଖ ରଖାଯାଇଥିବା ‘ଆଧାର-ପାନ୍’ ସଂଯୋଗ ଶେଷ ତାରିଖକୁ ଆହୁରି ୬ ମାସ ବୃଦ୍ଧି କରାଗଲା।
In view of the difficulties being faced by the taxpayers, the Central Govt has extended certain timelines. CBDT Notification No. 113 of 2021 in S.O. 3814(E) dated 17th September, 2021 issued which is available on https://t.co/qX8AZ4HCvf. pic.twitter.com/D3pIf64CoU
— Income Tax India (@IncomeTaxIndia) September 17, 2021
ଏହାର ସମୟସୀମା ପୁନର୍ବାର ବଢ଼ାଯାଉ ବୋଲି କେତେକ କରଦାତା ନିବେଦନ କରିଥିଲେ।
‘ଆଧାର-ପାନ୍’ ସଂଯୋଗ ଶେଷ ତାରିଖ ସଂଶୋଧନ କରିବାରେ ଚଳିତ ବର୍ଷ ଏହା ହେଉଛି କେନ୍ଦ୍ର ସରକାରଙ୍କ ଚତୁର୍ଥ ନିଷ୍ପତ୍ତି। କରୋନାଭାଇରସ୍ ମହାମାରୀର ଦ୍ବିତୀୟ ଲହରଜନିତ ବାଧାବିଘ୍ନ ହେତୁ ଗତ ଜୁଲାଇ ମାସରେ କେନ୍ଦ୍ର ସରକାର ‘ଆଧାର-ପାନ୍’ ସଂଯୋଗ ଶେଷ ତାରିଖ ସେପ୍ଟେମ୍ବର ୩୦ ପର୍ଯ୍ୟନ୍ତ ବଢ଼ାଇ ଥିଲେ।