ପୁଣି ବଜାରକୁ ଆସୁଛି ବଜାଜ ଚେତକ, ଏତିକି ଟଙ୍କା ରହିଛି ମୂଲ୍ୟ
ନୂଆଦିଲ୍ଲୀ: ବଜାଜ ଏବେ ଏହାର ନୂଆ ସ୍କୁଟରକୁ ନେଇ ଚର୍ଚ୍ଚାରେ ରହିଛି | ଆସନ୍ତା ୧୬ ତାରିଖରେ ବଜାଜ ପକ୍ଷରୁ ଏହି ସ୍କୁଟରକୁ ଲଞ୍ଚ କରାଯିବ | ଏହି କାର୍ଯ୍ୟକ୍ରମରେ କେନ୍ଦ୍ର ସଡକ ଓ ପରିବହନ ମନ୍ତ୍ରୀ ନିତିନ ଗଡକାରୀଙ୍କ ସମେତ ନୀତି ଆୟୋଗ ଅଧ୍ୟକ୍ଷ ଅମିତାଭ କାନ୍ତ ସାମିଲ ହେବେ | ବଜାଜ ପକ୍ଷରୁ ଲଞ୍ଚ କରାଯାଉଥିବା ଏହି ସ୍କୁଟର କମ୍ପାନୀର ପ୍ରଥମ ଇଲେକ୍ଟ୍ରିକ ସ୍କୁଟର ହେବ |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଏହି ସ୍କୁଟରର ନାମ ଚେତକ ଚିକ ରଖାଯାଇଥିବାବେଳେ ବହୁ ଆକର୍ଷଣୀୟ ବୈଶିଷ୍ଟ୍ୟ ଏହି ସ୍କୁଟରରେ ରହିବ | ଏହି ସ୍କୁଟରରେ ଇନଟିଗ୍ରେଟେଡ଼ ବ୍ରେକିଙ୍ଗ ସିଷ୍ଟମ ରହିବା ସହ ନାଭିଗେସନ ଓ ବ୍ଲୁ ଟୁଥ ସୁବିଧା ମଧ୍ୟ ରହିବ |
ଏହି ସ୍କୁଟରର ମୂଲ୍ୟ ବାବଦରେ ବର୍ତ୍ତମାନ ସୁଦ୍ଧା ଜଣାପଡ଼ିନଥିଲେ ବି କୁହାଯାଉଛି ଏହାର ମୂଲ୍ୟ ୧ ଲକ୍ଷ ଟଙ୍କା ପାଖାପାଖି ରହିବ | ଏଠାରେ ସୂଚନା ଥାଉ କି ବଜାଜ ପକ୍ଷରୁ ୨୦୦୬ ମସିହାରେ ଚେତକ ସ୍କୁଟରର ନିର୍ମାଣ ବନ୍ଦ କରିଦିଆଯାଇଥିଲା | କିନ୍ତୁ ଏବେ ବଜାରରେ ସ୍କୁଟର ବାଇକର ଚାହିଦା ବଢ଼ିଥିବାର ନଜରରେ ରଖି ପୁଣି ନୂଆ ଭାବରେ ଚେତକକୁ ଲଞ୍ଚ କରାଯିବ |