ଟେସଲା ଭଳି ବଡ କମ୍ପାନିକୁ ଏବେ ଜୋରଦାର ଟକ୍କର ଦେଉଛି ଚୀନର ଏହି ଛୋଟ କମ୍ପାନି
ନୂଆଦିଲ୍ଲୀ: ଇଲେକ୍ଟ୍ରିକ କାର କଥା କହିବାକୁ ଗଲେ ଟେସଲା ର ନାମ ପ୍ରଥମେ ଆସିଥାଏ | ସାରା ବିଶ୍ୱରେ ଟେସଲାର ଇଲେକ୍ଟ୍ରିକ କାରକୁ ସମସ୍ତେ ପସନ୍ଦ କରୁଥିବାବେଳେ ଏବେ ଚୀନର ଏକ କମ୍ପାନୀ ଏମିତି କାର ବଜାରକୁ ଆଣିଛି ଯାହାକି ଟେସଲାକୁ କଡା ଟକ୍କର ଦେଉଛି | ଚୀନର ଗାଡି ନିର୍ମାତା କମ୍ପାନୀ ସାଇଆକର ଛୋଟ ଇଲେକ୍ଟ୍ରିକ କାର ହଙ୍ଗଗୁଆଙ୍ଗ ଗତ କିଛି ମାସ ଧରି ଟେସଲାକୁ କଡା ଟକ୍କର ଦେଉଛି | କେବଳ ଏତିକି ନୁହେଁ ବିକ୍ରି ମାମଲାରେ ଏହା ଟେସଲାକୁ ପଛରେ ପକାଇଦେଇଛି | ହଙ୍ଗଗୁଆଙ୍ଗ ମିନି ଇଭି ଜାନୁୟାରୀ ଓ ଫେବୃୟାରୀ ମାସରେ ସର୍ବାଧିକ ବିକ୍ରି ହୋଇଥିବା କାର ତାଲିକାରେ ନିଜକୁ ସାମିଲ କରିଥିବାବେଳେ ଏହି କାରଟି ଟେସଲାର ମୋଡେଲ ୩ ଇଲେକ୍ଟ୍ରିକ କାରକୁ ମଧ୍ୟ ପଛରେ ପକାଇଦେଇଛି |
Sambad is now on WhatsApp
Join and get latest news updates delivered to you via WhatsApp
ବିକ୍ରି ତଥ୍ୟ ଉପରେ ନଜର ପକାଇଲେ ଜାନୁୟାରୀ ୨୦୨୧ ମସିହାରେ ହଙ୍ଗଗୁଆଙ୍ଗ ସମୁଦାୟ ୩୬ ହଜାର ୟୁନିଟ ବିକ୍ରି ହୋଇଥିବାବେଳେ ଟେସଲା ମୋଡେଲ ୩, ୨୧୫୦୦ଟି ୟୁନିଟ ବିକ୍ରି ହୋଇଥିଲା | ଫେବୃୟାରୀ ମାସରେ ହଙ୍ଗଗୁଆଙ୍ଗ ୨୦ ହଜାରଟି ୟୁନିଟ ବିକ୍ରି ହୋଇଥିବାବେଳେ ଟେସଲାର ୧୩୭୦୦ଟି କାର ବିକ୍ରି ହୋଇଛି |
ତେବେ ହଙ୍ଗଗୁଆଙ୍ଗର ଏହି ସଫଳତା ପଛରେ ସବୁଠାରୁ ବଡ କାରଣ ହେଉଛି ଏହାର ଦାମ | ହଙ୍ଗଗୁଆଙ୍ଗ ଥରେ ଚାର୍ଜରେ ୧୭୦ କିଲୋମିଟର ଯିବାକୁ ସକ୍ଷମ ଥିବାବେଳେ ଟେସଲା ମୋଡେଲ ୩ କାର ଥରେ ଚାର୍ଜରେ ୪୦୧ କିଲୋମିଟର ଯାଇଥାଏ | ହଙ୍ଗଗୁଆଙ୍ଗ କାରର ମୂଲ୍ୟ ୩ ଲକ୍ଷ ୨୦ ହଜାର ଟଙ୍କା ରହିଥିବାବେଳେ ଟେସଲା ମୋଡେଲ ୩ର ମୂଲ୍ୟ ୨୭ ଲକ୍ଷ ୭୨ ହଜାର ଟଙ୍କା ରହିଛି |