ନୂଆଦିଲ୍ଲୀ : ଧନ ସଂଗ୍ରହରେ ଚୀନ ଏବେ ଆମେରିକାକୁ ବି ଟପିଯାଇଛି । ମୋଟ ସଂପତ୍ତି ଦୃଷ୍ଟିରୁ ଚୀନ ଏବେ ବିଶ୍ବର ନଂ୧ ଧନୀ ରାଷ୍ଟ୍ରରେ ପରିଣତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ମ୍ୟାକିନସେ ଏଣ୍ଡ କୋ’ର ଏକ ରିପୋର୍ଟ ଅନୁସାରେ ୨୦୨୦ରେ ସମଗ୍ର ବିଶ୍ବର ମୋଟ ସମ୍ପତ୍ତି ପରିମାଣ ୫୨୦ ଟ୍ରିଲିୟନ ଡଲାରକୁ ବୃଦ୍ଧି ପାଇଛି । ୨୦୦୦ ମସିହାରେ ଏହା ୧୫୬ ଟ୍ରିଲିୟନ ଡଲାର ଥିଲା । ଏହି ୨୦ ବର୍ଷରେ ଚୀନର ସମ୍ପତ୍ତି ସବୁଠାରୁ ଅଧିକ ଦ୍ରୁତ ଗତିରେ ବୃଦ୍ଧି ପାଇଛି । ୨୦୦୦ ମସିହାରେ ଚୀନର ମୋଟ ସମ୍ପତ୍ତି ପରିମାଣ ମାତ୍ର ୭ ଟ୍ରିଲିୟନ ଡଲାର ଥିବାବେଳେ ୨୦୨୦ରେ ତାହା ୧୫୬ ଟ୍ରିଲିୟନ ଡଲାରକୁ ବୃଦ୍ଧି ପାଇଛି । ଅନ୍ୟପକ୍ଷରେ ଆମେରିକାର ସଂପତ୍ତି ଧୀମା ଗତିରେ ବୃଦ୍ଧି ପାଇ ୯୦ ଟ୍ରିଲିୟନ ଡଲାରରେ ପହଞ୍ଚିଛି ।
ବିଶ୍ବର ଏହି ଦୁଇଟି ବୃହତ୍ତମ ଅର୍ଥନୀତିର ମୋଟ ସମ୍ପତ୍ତିର ଦୁଇ-ତୃତୀୟାଂଶ ୧୦ ପ୍ରତିଶତ ଧନୀ ଲୋକଙ୍କ ପାଖରେ ଠୁଳ ହୋଇ ରହିଛି । ବିଶ୍ବର ମୋଟ ୫୨୦ ଟ୍ରିଲିୟନ ଡଲାର ମୂଲ୍ୟର ସମ୍ପତ୍ତିର ପ୍ରାୟ ୬୮ ପ୍ରତିଶତ ରିଅଲ ଇଷ୍ଟେଟରେ ରହିଛି । ଅବଶିଷ୍ଟ ସମ୍ପତ୍ତି ଭିତ୍ତିଭୂମି, ମେସିନ ଓ ଉପକରଣ ଆଦି ରୂପରେ ରହିଛି । ଅଳ୍ପ କିଛି ସମ୍ପତ୍ତି ବୈଦ୍ଧିକ ସଂପଦ ଓ ପ୍ୟାଟେଣ୍ଟ୍ ଭାବେ ରହିଛି ।
ତେବେ ମ୍ୟାକକିନସେ ନିଜ ରିପୋର୍ଟରେ ସତର୍କ କରାଇଦେଇଛି ଯେ ବିଶ୍ବରେ ଯେଉଁ ଦ୍ରୁତ ପରିମାଣରେ ସଂପତ୍ତି ବୃଦ୍ଧି ପାଇଛି ତାହା ବିଶ୍ବର ଜିଡିପି ସହିତ ତାଳ ଖାଉନାହିଁ । ଏଣୁ ଫୁଲିଚାଲିଥିବା ଏହି ସଂପତ୍ତି ତିଷ୍ଠି ପାରିବ ନାହିଁ ।