ବେଜିଂ : ଭାରତରୁ ଜେନେରିକ ଔଷଧ ଆମଦାନୀ କରିବାକୁ ଚୀନ ସରକାର ମଂଜୁରୀ ଦେଇଛନ୍ତି । ଏହା ଫଳରେ ଚୀନର ସରକାରୀ ହସପିଟାଲ ଓ ଔଷଧ ଦୋକାନଗୁଡ଼ିକରେ ଭାରତୀୟ ଔଷଧ ଉପଲବ୍ଧ ହେବ । ଗତ ମାସରେ ଚୀନ ସରକାର ନିଜର ଫାର୍ମାସୁଟିକାଲ ଆଇନରେ କେତେକ ସଂଶୋଧନ କରିବା ପରେ ଏହା ସମ୍ଭବ ହୋଇପାରିଛି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଚୀନର କଠୋର ଔଷଧ ନୀତି ଯୋଗୁଁ ଭାରତୀୟ କମ୍ପାନିମାନେ ସେଠାରେ ଉତ୍ପାଦନ କେନ୍ଦ୍ର ଖୋଲିପାରୁନଥିଲେ ବା ରପ୍ତାନି କରିପାରୁନଥିଲେ । କିନ୍ତୁ ଏବେ ଆଇନରେ ସଂଶୋଧନ ହେବା ପରେ ଚୀନ ବଜାରରେ ଭାରତୀୟ କମ୍ପାନିମାନେ ପ୍ରବେଶ କରିପାରିବେ । ଭାରତୀୟ କମ୍ପାନି ଡ.ରେଡ୍ଡୀସ ଲାବରୋଟୋରୀଜ ସେଠାରେ ନିଜର ଉତ୍ପାଦନ କେନ୍ଦ୍ର ସ୍ଥାପନ କରିବାକୁ ଓ ନିଜର ଔଷଧ ବିକିବାକୁ ଅନୁମତି ପାଇଛି ।
ଏହା ଦ୍ବାରା ଭାରତ-ଚୀନ ମଧ୍ୟରେ ଥିବା ୫୪ ବିଲିୟନ ଡଲାର ମୂଲ୍ୟର ବାଣିଜ୍ୟିକ ନିଅଣ୍ଟ କିଛିଟା ହ୍ରାସ ପାଇବ । ଭାରତୀୟ ଫାର୍ମା କମ୍ପାନିଙ୍କୁ ଚୀନ ବଜାରରେ ଅନୁମତି ଦେବାକୁ ଭାରତ ସରକାର ବିଗତ କିଛି ବର୍ଷ ହେଲା ଚୀନ ସରକାରଙ୍କୁ କହିଆସୁଥିଲେ ।