ଦୁଇ ସପ୍ତାହ ମଧ୍ୟରେ ତେଲଦର ୧୦୦ ଡଲାର ତଳକୁ ଖସିବ !
ନୂଆଦିଲ୍ଲୀ : ୟୁକ୍ରେନ ଉପରେ ରୁଷର ଆକ୍ରମଣ ପରେ ବିଶ୍ବ ବଜାରରେ ଅଶୋଧିତ ତେଲ ଦର ଦ୍ରୁତ ଗତିରେ ବଢିଚାଲିଛି । ପୁଣି ଆମେରିକା ଦ୍ବାରା ରୁଷ ତେଲ ଆମଦାନୀ ଉପରେ କଟକଣା ଲଗାଯିବା ପରେ ଏହି ଦର ବୃଦ୍ଧି ଆହୁରି ଦ୍ରୁତ ହୋଇଛି । ଆଜି ବ୍ରେଣ୍ଟ କ୍ରୁଡ୍ ଅଏଲ ବ୍ୟାରେଲ ପିଛା ୧୩୦ ଡଲାର ଟପିଯାଇଛି । ସେହିପରି ଭାରତୀୟ ବାସ୍କେଟ କ୍ରୁଡ ମୂଲ୍ୟ ୧୨୬ ଡଲାରକୁ ବୃଦ୍ଧି ପାଇଛି । ଏହି ଦରବୃଦ୍ଧି ଯୋଗୁଁ ଆଗାମୀ ଦିନରେ ଦେଶରେ ପେଟ୍ରୋଲ ଓ ଡିଜେଲ ଦରବୃଦ୍ଧି ଅବଶ୍ୟମ୍ଭାବୀ ହୋଇପଡ଼ିଛି ବୋଲି କୁହାଯାଉଛି । ୫ଟି ରାଜ୍ୟରେ ବିଧାନସଭା ନିର୍ବାଚନ ଶେଷ ହୋଇଥିବାରୁ ଦେଶରେ ଦରବୃଦ୍ଧି ହୋଇପାରେ ବୋଲି ବିରୋଧୀ ଦଳମାନେ ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ, କେତେକ ଭାରତ ପେଟ୍ରୋଲିୟମ ସିଏମଡି ଅରୁନ ସିଂ କହିଛନ୍ତି ଯେ ତେଲଦର ବେଶୀ ଦିନ ପାଇଁ ଉଚ୍ଚ ସ୍ତରରେ ରହିବ ନାହିଁ । ଆସନ୍ତା ଦୁଇ ସପ୍ତାହ ମଧ୍ୟରେ ଅଶୋଧିତ ତେଲ ୧୦୦ ଡଲାର ତଳକୁ ଖସିଯିବ । କାରଣ ରୁଷ ଉପରେ ଲଗାଯାଇଥିବା କଟକଣାକୁ ୟୁରୋପ ଦେଶ ପାଳନ କରିବେ ନାହିଁ । କାରଣ ଆରବ ଦେଶରୁ ତେଲ ଆମଦାନୀ କରିବା ସେମାନଙ୍କ ପାଇଁ ମହଙ୍ଗା ହୋଇଯିବ । ଏଣୁ ଅଶୋଧିତ ତେଲ ଦରବୃଦ୍ଧିକୁ ନେଇ ଲୋକମାନେ ଏତେ ଚିନ୍ତିତ ହେବାର ଆବଶ୍ୟକତା ନାହିଁ ବୋଲି ସେ କହିଛନ୍ତି ।