ଡିମାର୍ଟ ସିଇଓ କିଣିଲେ ୭୦ କୋଟିର ଘର
ମୁମ୍ବାଇ: ମୁମ୍ବାଇର ପ୍ରମୁଖ ବ୍ୟବସାୟ ସ୍ଥଳ ବାନ୍ଦ୍ରା କୁର୍ଲା କମ୍ପ୍ଲେକ୍ସ ପାଖରେ ଡିମାର୍ଟର ସିଇଓ ଆଇ ଏନ୍ ରୋହୋନା ୭୦ କୋଟି ଟଙ୍କାର ଘର କିଣିଛନ୍ତି। ପ୍ରାୟ ୯୫୫୨ ବର୍ଗଫୁଟ ପରିମିତ ଦୁଇଟି ଆପାର୍ଟମେଣ୍ଟ୍ ସହ ତାଙ୍କୁ ୧୦ଟି କାର୍ ରଖିବା ଲାଗି ପାର୍କିଂ ସ୍ଥାନ ମିଳିବ। ଏହି ପ୍ରକଳ୍ପକୁ ରିଅଲ ଇଷ୍ଟେଟ୍ ସଂସ୍ଥା ରୁସ୍ତମଜୀ ପକ୍ଷରୁ ବିକାଶ କରାଯାଉଛି। ଏହାକୁ ମୁମ୍ବାଇର ଅନ୍ୟତମ ବଡ଼ ରିଅଲ ଇଷ୍ଟେଟ୍ ଡିଲ୍ କୁହାଯାଉଛି।