କେଉଁ ରାଜ୍ୟରେ ବ୍ୟବସାୟ କରିବା ସହଜ ? ୧ ନମ୍ବରରେ ଆନ୍ଧ୍ର, ୧୪ତମ ସ୍ଥାନରେ ଓଡ଼ିଶା
ପ୍ରକାଶ ପାଇଲା କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରାଳୟର ତାଲିକା
ଭୁବନେଶ୍ୱର : କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରାଳୟ ପକ୍ଷରୁ ପ୍ରକାଶିତ ଇଜ୍ ଅପ ଡୁଇଙ୍ଗ ବିଜନେସ ତାଲିକାରେ ଓଡ଼ିଶା ୧୪ ତମ ସ୍ଥାନରେ ରହିଛି । ତାଲିକାର ପ୍ରଥମସ୍ଥାନରେ ଆନ୍ଧ୍ରପ୍ରଦେଶ କ୍ରମାଗତ ୨ୟ ବର୍ଷ ପାଇଁ ରହିଛି । ଆନ୍ଧ୍ରତଳକୁ ରହିଛନ୍ତି ତେଲେଙ୍ଗାନା, ହରିୟାନା, ଝାଡ଼ଖଣ୍ଡ, ଗୁଜୁରାଟ ଓ ଛତିଶଗଡ଼ । ତାଲିକାର ସବୁଠୁ ତଳେ ଅର୍ଥାତ ୩୬ ତମ ସ୍ଥାନରେ ରହିଛି ମେଘାଳୟ । ଏହି ତାଲିକାକୁ ମନ୍ତ୍ରାଳୟ ଅଧିନସ୍ଥ ଶିଳ୍ପ ନୀତି ଓ ପ୍ରେତ୍ସାହନ (ଡିଆଇପିପି) ପକ୍ଷରୁ ବିଶ୍ୱବ୍ୟାଙ୍କ ସହାୟତାରେ ପ୍ରସ୍ତୁତ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଇଜ୍ ଅଫ ଡୁଇଙ୍ଗ ବିଜନେସର ଅର୍ଥ ହେଉଛି ଗୋଟିଏ ରାଜ୍ୟରେ ଏକ ବ୍ୟବସାୟିକ ସଂସ୍ଥା ସ୍ଥାପନ କରିବା କେତେ ସରଳ ଓ ସୁଗମ । ଅର୍ଥାତ ସେଠାରେ ପଂଜୀକରଣ, ବିଭିନ୍ନ ମଂଜୁରୀ ହାସଲ କରିବା ଓ ଟିକସ ବ୍ୟବସ୍ଥା କେତେ ସରଳ । ଏଥରର ତାଲିକାକୁ ୪ ଭାଗରେ ବିଭକ୍ତ କରାଯାଇଛି । ଟପ ଆଚିଭର, ଆଚିଭର, ଫାଷ୍ଟ ମୁଭର ଓ ଆସ୍ପାଇରର । ଓଡ଼ିଶା ଆଚିଭର ବର୍ଗରେ ପଶ୍ଚିମ ବଙ୍ଗ, ଉତ୍ତରାଖଣ୍ଡ, ଉତ୍ତରପ୍ରଦେଶ , ମହାରାଷ୍ଟ୍ର ଆଦି ରାଜ୍ୟ ସହ ସ୍ଥାନ ପାଇଛି ।
ଏହି ତାଲିକା ସଂପର୍କରେ ସୂଚନା ଦେଇ ଶିଳ୍ପ ସଚିବ ସଂଜୀବ ଚୋପ୍ରା କହିଛନ୍ତି ଯେ ଇଜ ଅପ ଡୁଇଙ୍ଗ ବିଜନେସ କ୍ଷେତ୍ରରେ ଓଡ଼ିଶା ଉଲ୍ଲେଖନୀୟ ଅଗ୍ରଗତି ହାସଲ କରିଛି । ବିଗତ ବର୍ଷମାନଙ୍କରେ ଓଡ଼ିଶା ଅନେକ ସଂସ୍କାର ହାସଲ କରିଛି । ତେବେ ତାଲିକାର ଉପରେ ଥିବା ରାଜ୍ୟମାନଙ୍କ ତୁଳନାରେ ଓଡ଼ିଶା ବିଶେଷ ପଛରେ ନାହିଁ ବୋଲି ସେ କହିଛନ୍ତି ।