ବଢିବ ଉତ୍ପାଦନ, କମିବ ମୂଲ୍ୟ: ପେଟ୍ରୋଲ-ଡିଜେଲ ଗାଡି ସହ ମୁକାବିଲା କରିବ ବିଦ୍ୟୁତ୍ ଚାଳିତ ଯାନ
ନୂଆଦିଲ୍ଲୀ: ଆସନ୍ତା କିଛି ବର୍ଷ ମଧ୍ୟରେ ବିଦ୍ୟୁତ୍ ଚାଳିତ ଯାନର ମୂଲ୍ୟ କମିବ । ପେଟ୍ରୋଲ-ଡିଜେଲ ଚାଳିତ ଯାନ ସହ ସମକକ୍ଷ ହେବ ବିଦ୍ୟୁତ୍ ଚାଳିତ କାର ଏବଂ ବାଇକ୍ । ଏକଥା ଆମେ କହୁନାହୁଁ, ଏକଥା କେନ୍ଦ୍ର ପରିବହନ ମନ୍ତ୍ରୀ ନିତିନ୍ ଗଡକରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇଣ୍ଡିଆନ୍ ଚ୍ୟାମ୍ବର୍ସ ଅଫ୍ କମର୍ସର ଏକ କାର୍ଯ୍ୟକ୍ରମରେ ଯୋଗ ଦେଇ ବିଦ୍ୟୁତ୍ ଚାଳିତ ଯାନକୁ ନେଇ ବଡ ଘୋଷଣା କଥା କହିଛନ୍ତି ନିତିନ୍ ଗଡକରୀ । ସେ କହିଛନ୍ତି, ଦେଶରେ ବିଦ୍ୟୁତ୍ ଚାଳିତ ଯାନର କମ୍ ଉତ୍ପାଦନ ପାଇଁ ଏହାର ମୂଲ୍ୟ ଅଧିକ ରହିଛି । କିନ୍ତୁ ଆଗକୁ ଏଥିରେ ପରିବର୍ତ୍ତନ ଆସିବ । ପାଖାପାଖି ୨୫୦ ଷ୍ଟାଟ୍ଅପ କମ୍ପାନି ବିଦ୍ୟୁତ୍ ଚାଳିତ ଯାନ ତିଆରି ଉପରେ ଲଗାତାର କାମ କରୁଛନ୍ତି । ସେହିପରି ଅନେକ ବଡ ବଡ ଅଟୋମୋବାଇଲ କମ୍ପାନି ଏହି ଦୌଡ଼ରେ ସାମିଲ ହୋଇଛନ୍ତି । ଏଭଳି ହେଲେ ପ୍ରତିଯୋଗିତା ବୃଦ୍ଧିପାଇବା ସହ ବିଦ୍ୟୁତ୍ ଚାଳିତ ଯାନର ମୂଲ୍ୟ ତଳକୁ ଖସିବ ।
ଏହାସହିତ ନିତିନ ଗଡକରୀ କହିଛନ୍ତି, ଆସନ୍ତା ୫ବର୍ଷ ମଧ୍ୟରେ ସରକାର ୬ଶହରୁ ଅଧିକ ସ୍ଥାନରେ ଚାର୍ଜି ଷ୍ଟେସନ କରିବାକୁ ଯାଉଛନ୍ତି । ଏହାଦ୍ୱାରା ବିଦ୍ୟୁତ୍ ଚାଳିତ ଯାନକୁ ଚାର୍ଜ କରିବା ସହଜ ହେବ । ତେବେ ଏହି କାର୍ଯ୍ୟକ୍ରମରେ ଇ-ଯାନ ଉପରେ କହିବା ସହ ଲୋକଙ୍କୁ ଏକ ପ୍ରଶ୍ନ ମଧ୍ୟ ପଚାରିଛନ୍ତି ପରିବହନ ମନ୍ତ୍ରୀ ନିତିନ୍ ଗଡକରୀ । ସେ ପଚାରିଛନ୍ତି, ପରିବେଶକୁ ପ୍ରଦୂଷଣ କରୁଥିବା ଯାନ ବଦଳରେ ଯଦି ଆପଣମାନଙ୍କୁ କମ୍ ମେଣ୍ଟେନାନ୍ସ ଏବଂ ପ୍ରଦୂଷଣ ମୁକ୍ତ କାର-ବାଇକ୍ ଦିଆଯିବ ତେବେ ଆପଣମାନେ କଣ କରିବେ?