ଶକ୍ତି ବିଭାଗ କାର୍ଯ୍ୟକ୍ରମର ସମୀକ୍ଷା, ଗ୍ରାମ୍ୟ ବିଦ୍ୟୁତ୍କରଣ ଉପରେ ଗୁରୁତ୍ବ
ଭୁବନେଶ୍ବର: ଆଜି ଗ୍ରିଡ୍କୋ ସମ୍ମିଳନୀ କକ୍ଷରେ ଶକ୍ତି ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଶକ୍ତି ବିଭାଗର ବିଭିନ୍ନ ଉନ୍ନୟନମୂଳକ ଯୋଜନା ଓ କାର୍ଯ୍ୟକ୍ରମଗୁଡ଼ିକର ସମୀକ୍ଷା କରିଛନ୍ତି। ୫-ଟି ଓ ମୋ ସରକାର ପ୍ରୟାସରେ କାର୍ଯ୍ୟକାରୀ ହେଉଥିବା ବିଦ୍ୟୁତ ଭିତ୍ତିଭୂମିର ବିକାଶ ଓ ଗ୍ରାମ୍ୟ ବିଦ୍ୟୁତକରଣ ଯୋଜନାଗୁଡ଼ିକୁ ନିର୍ଧାରିତ ସମୟ ମଧ୍ୟରେ ଶେଷ କରିବା ଲାଗି ମନ୍ତ୍ରୀ ଶ୍ରୀ ମିଶ୍ର ଅଧିକାରୀମାନଙ୍କୁ ନିର୍ଦେଶ ଦେଇଛନ୍ତି। ରାଜ୍ୟର ଦୂରଦୂରାନ୍ତ ଓ ଉପାନ୍ତ ଅଞ୍ଚଳରେ ଥିବା ପ୍ରତି ଲୋକଙ୍କ ପାଖରେ ଗୁଣାତ୍ମକ ବିଦ୍ୟୁତ ପହଞ୍ଚାଇବା ବିଦ୍ୟୁତ ବିଭାଗର ସମସ୍ତ କର୍ମଚାରୀମାନଙ୍କ ଦାୟିତ୍ବ ବୋଲି ସେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବୈଠକ ଆରମ୍ଭରେ ବିଦ୍ୟୁତ ବିଭାଗର ପ୍ରମୁଖ ସଚିବ ତଥା ଗ୍ରିଡ୍କୋ ଓ ଓପିଟିସିଏଲ୍ର ଅଧ୍ୟକ୍ଷ ନିକୁଞ୍ଜ ବିହାରୀ ଧଳ ବିଭିନ୍ନ ଯୋଜନାର ଅଗ୍ରଗତି ସମ୍ପର୍କରେ ସୂଚନା ଦେଇଥିଲେ ଓ ଭବିଷ୍ୟତ ରୂପରେଖ ବିଷୟରେ ଅବଗତ କରିଥିଲେ। ଅନ୍ୟମାନଙ୍କ ମଧ୍ୟରେ ଗ୍ରିଡ୍କୋ ଓ ଓପିଟିସିଏଲ୍ର ଏମ୍ଡି, ଚାରି ବଣ୍ଟନ କଂପାନିର ସିଇଓ ମଧ୍ୟ ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇଥିଲେ।