ଜୁଲାଇ ୧ରେ ପୁଣି ଥରେ ଉଡ଼ାଣ ଭରି ପାରେ ଜେଟ୍
ନୂଆଦିଲ୍ଲୀ : ବ୍ୟାଙ୍କର ଋଣ ଶୁଝି ନ ପାରି କିଛି ଦିନ ତଳେ ଅସ୍ଥାୟୀ ଭାବେ ବନ୍ଦ ହୋଇ ଯାଇଥିଲା ଜେଟ୍ ଏୟାରେଓ୍ଵଜ୍ । କମ୍ପାନୀ ବନ୍ଦ .ହେବା ପରେ ଏହାର କର୍ମଚାରୀ ବେରୋଜଗାର ହେବା ସହ କିଛି କର୍ମଚାରୀଙ୍କୁ ଅନ୍ୟ ଏୟାରଲାଇନ୍ସମାନେ ନିଯୁକ୍ତି ଦେଇଥିଲେ । ତେବେ ବନ୍ଦ ହେବାର କିଛି ଦିନ ପରେ ଜେଟ୍ ପୁଣି ଥରେ ନିଜର ଉଡ଼ାଣ ଭରିବ ବୋଲି ଜଣାପଡ଼ିଛି । ଜୁଲାଇ ୧ରୁ ଜେଟ୍ ପୁଣି ଥରେ ଉଡ଼ାଣ ଭରିପାରେ ବୋଲି ସୂଚନା ମିଳିଛି । ଆଦିଗ୍ରୋ ଅଭିଏସନ ପକ୍ଷରୁ ଏହି ସୂଚନା ଜାରି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଆଦିଗ୍ରୋ ଆଭିଏସନର ପ୍ୟାରେଣ୍ଟ କମ୍ପାନୀ ଆଦିଗ୍ରୁପର ସଂସ୍ଥାପକ ଏବଂ ଅଧ୍ୟକ୍ଷ ସଞ୍ଜୟ ବିଶ୍ୱନାଥନଙ୍କ କହିବା ଅନୁଯାୟୀ, ଜେଟ୍କୁ ପୁଣି ଥରେ ଚାଲୁ କରିବା ପାଇଁ ଆମେ ଏଟିହାଦ୍ ସହ ପାର୍ଟନରସିପ୍ କରିବାକୁ ଇଚ୍ଛୁକ । ଜେଟ୍କୁ ପୁଣି ଥରେ ଚାଲୁ କରିବା ପାଇଁ ଆଦି ଗ୍ରୁପ୍ ଯେଉଁ ଯୋଜନା ତିଆରି କରିଛି, ସେଥିରେ ବାଲାନ୍ସସିଟ୍ରେ ସୁଧାର ଆଣିବା ଓ ଏୟାରଲାଇନ୍ସକୁ ଏକ ଲାଇଫ୍ଷ୍ଟାଇଲ କମ୍ପାନୀ ଭାବରେ ନ ଚଳାଇବାର ପ୍ରସ୍ତାବକୁ ଅଧିକ ଗୁରୁତ୍ୱ ଦିଆଯାଇଛି । ସବୁ କିଛି ଠିକ୍ ରହିଲେ ଜୁଲାଇ ୧ରେ ଉଡ଼ାଣ ଆରମ୍ଭ କରି ଦିଆଯିବ । ଜୁଲାଇ ୧ରେ ୮,୦୦୦-୯,୦୦୦କର୍ମଚାରୀଙ୍କୁ ନେଇ ୭୦ଏୟାରକ୍ରାଫ୍ଟ ସହ ଉଡ଼ାଣ ଆରମ୍ଭ କରାଯାଇପାରେ ବୋଲି ସୂଚନା ମିଳିଛି ।