ଲୋଗୋ ଚୋରି କରିଥିବା ନେଇ ଫେସ୍ବୁକ ଉପରେ ଆରୋପ ଲଗାଇଲା ଏହି ବ୍ୟାଙ୍କ
ନୂଆଦିଲ୍ଲୀ : ଫେସ୍ବୁକ୍ ଉପରେ ଲୋଗୋ ନକଲ କରିବାର ଅଭିଯୋଗ ଆଣିଲା ଅନ୍ଲାଇନ୍ ବ୍ୟାକିଂ କମ୍ପାନୀ କରେଣ୍ଟ । ଫେସ୍ବୁକ୍ କିଛି ଦିନ ତଳେ କାଲିବ୍ରା ନାମକ ଏକ ଡିଜିଟାଲ କରେନ୍ସି ଓ୍ଵଲେଟ ଲଞ୍ଚ କରିବାର ଘୋଷଣା କରିଥିଲା । ଏହା ସହ କାଲିବ୍ରାର ଲୋଗୋ ମଧ୍ୟ ସେୟାର କରିଥିଲା । ଏବେ କାଲିବ୍ରାର ଲୋଗୋ ସାମ୍ନାକୁ ଆସିବା ପରେ ଅନ୍ଲାଇନ୍ ବ୍ୟାକିଂ କମ୍ପାନୀ କରେଣ୍ଟ ଲୋଗୋ କପି କରିବାର ଅଭିେଯୋଗ ଆଣିଛି । ଦୁଇଟି ଲୋଗୋକୁ ନେଇ ଟୁଇଟ୍ କରିବା ସହ ଫେସ୍ବୁକ୍କୁ ପରିହାସ କରିଛି କରେଣ୍ଟ ।
Sambad is now on WhatsApp
Join and get latest news updates delivered to you via WhatsApp
କରେଣ୍ଟର ଲୋଗୋରେ ଭିନ୍ନ ଭିନ୍ନ ରଙ୍ଗ ରହିଥିବା ବେଳେ ଫେସ୍ବୁକ୍ ନିଜ କାଲିବ୍ରା ଲୋଗୋରେ କେବଳ ଗୋଟେ ରଙ୍ଗ ବ୍ୟବହାର କରିଥିବା ଦେଖା ଯାଇଛି । ଦୁଇଟି ଲୋଗୋ ରଖି, ଯେତେବେଳେ ଗୋଟେ ରଙ୍ଗ ବାକି ରହିଯାଏ ଏଭଳି ହୁଏ ବୋଲି ଲେଖି ଟୁଇଟ୍ କରିଛି କରେଣ୍ଟ । ଟୁଇଟ୍ କରାଯାଇଥିବା ଫଟୋରେ କେବଳ ରଙ୍ଗରେ ଭିନ୍ନତା ରହିଥିବା ଦେଖା ଯାଇଛି ।
this is what happens when you only have 1 crayon left pic.twitter.com/2JY5JfesQD
— Current (@current) June 19, 2019
ସୂଚନା ମୁତାବକ, ଫେସ୍ବୁକ ବ୍ୟବହାରକାରୀଙ୍କୁ ଏକ ନୂଆ ଅନୁଭବ ଦେବା ପାଇଁ କାଲିବ୍ରା ଲଞ୍ଚ କରିବାକୁ ଯାଉଛି ଫେସ୍ବୁକ୍ । ଏହା ମାଧ୍ୟମରେ ଲୋକେ ଟଙ୍କା ସଞ୍ଚୟ ସହ ଖର୍ଚ୍ଚ ଏବଂ ଅନ୍ୟକୁ ପଠାଇ ମଧ୍ୟ ପାରିବେ । ଏହା ସହ କୌଣସି ବିଲ୍ ଭରିବା ବା କୌଣସି ଜିନିଷ ମଧ୍ୟ ଚାହିଁଲେ କାଲିବ୍ରା ମାଧ୍ୟମରେ ଲୋକେ କିଣିପାରିବେ । ତେବେ ଏହାକୁ ୨୦୨୦ରେ ଲଞ୍ଚ କରାଯାଇପାରେ ବୋଲି ସୂଚନା ମିଳିିଛି ।