ଜିଓର ୯.୯% ଅଂଶଧନ କିଣିବ ଫେସବୁକ, ଟେକନୋଲୋଜି କ୍ଷେତ୍ରରେ ଭାରତର ସବୁଠୁ ବଡ଼ ବିଦେଶୀ ପୁଞ୍ଜିନିବେଶ
ଏଣିକି ହ୍ୱାଟସ୍ଆପରେ ମଗାଇହେବ ତେଜରାତି ସାମଗ୍ରୀ
ମୁମ୍ବାଇ : ଏଣିକି ହ୍ୱାଟସ୍ଆପ ମାଧ୍ୟମରେ ଲୋକମାନେ ଘରକୁ ବିଭିନ୍ନ ଖାଉଟି ସାମଗ୍ରୀ ମଗାଇପାରିବେ । ହ୍ୱାଟସ୍ଆପ ଓ ରିଲାଏନ୍ସ ରିଟେଲ ମଧ୍ୟରେ ହୋଇଥିବା ଏକ ବୁଝାମଣା ଅନୁସାରେ ତେଜରାତି ଦୋକାନୀମାନଙ୍କ ପରି କ୍ଷୁଦ୍ର ବ୍ୟବସାୟୀମାନେ ରିଲାଏନ୍ସର ଅନଲାଇନ ଗ୍ରୋସରୀ ଡେଲିଭରୀ ପ୍ଲାଟଫର୍ମ ଜିଓମାର୍ଟରେ ପଂଜୀକରଣ କରିପାରିବେ । ଗ୍ରାହକମାନେ ହ୍ବାଟ୍ସଆପ ମାଧ୍ୟମରେ ନିଜ ଆଖପାଖରେ ଥିବା ତେଜରାତି ଦୋକାନରୁ ସାମଗ୍ରୀ ମଗାଇପାରିବେ ।
Sambad is now on WhatsApp
Join and get latest news updates delivered to you via WhatsApp
ହ୍ବାଟ୍ସଆପର ମୂଳ କମ୍ପାନି ଫେସବୁକ ପକ୍ଷରୁ ୪୩,୫୭୪ କୋଟି ଟଙ୍କା ପୁଞ୍ଜିନିବେଶ କରିବା ପାଇଁ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍, ଜିଓ ପ୍ଲାଟଫର୍ମସ୍ ଲିମିଟେଡ୍ ଓ ଫେସବୁକ୍ ମଧ୍ୟରେ ଚୁକ୍ତିନାମା ସ୍ୱାକ୍ଷରିତ ହୋଇଛି । ଏହି ନିବେଶ ମାଧ୍ୟମରେ ଫେସବୁକ ଜିଓର ୯.୯ ପ୍ରତିଶତ ଅଂଶଧନ ଅଧିକାର କରିବ । ଏହାକୁ ଭାରତୀୟ ଟେକନୋଲୋଜି ଶିଳ୍ପରେ ସବୁଠାରୁ ବଡ଼ ବିଦେଶୀ ପୁଞ୍ଜିନିବେଶ ବୋଲି କୁହାଯାଉଛି ।
ଫେସବୁକ୍ ଓ ଜିଓ ମଧ୍ୟରେ ସହଭାଗିତା ଅନେକ ଦୃଷ୍ଟିରୁ ଚର୍ଚ୍ଚାରେ ରହିଛି । ବିଶ୍ୱର ଯେକୌଣସି ଦେଶରେ ଓ ସ୍ଥାନରେ କୌଣସି ଏକ ପ୍ରଯୁକ୍ତି କଂପାନି ତରଫରୁ ସଂଖ୍ୟାଲଘୁ ଅଂଶଧନରେ ଏହା ହେଉଛି ସର୍ବବୃହତ ନିବେଶ ଏବଂ ଭାରତରେ ପ୍ରଯୁକ୍ତି କ୍ଷେତ୍ରରେ ସର୍ବବୃହତ ଏଫଡିଆଇ ବା ବୈଦେଶିକ ପୁଞ୍ଜିନିବେଶ । ଏହି ନିବେଶ ମୂଲ୍ୟ ଜିଓ ବଜାର ପୁଞ୍ଜି ଆଧାରରେ ଭାରତର ଶ୍ରେଷ୍ଠ ୫ ତାଲିକାଭୁକ୍ତ କଂପାନି ମଧ୍ୟରେ ସ୍ଥାନ ଦେଇଛି ।