ନୂଆ ଫିଚର୍ସ ଆଣିବାକୁ ଯାଉଛି ଫେସ୍ବୁକ୍ : ଏବେ ଫେସ୍ବୁକ୍ରେ ଫିଲ୍ମର ବିଜ୍ଞାପନ ସହ ସୋ’ ଟାଇମ୍ ଦେଖି ପାରିବେ ବ୍ୟବହାରକାରୀ
ନୂଆଦିଲ୍ଲୀ : ବିଭିନ୍ନ ଫିଲ୍ମ ଷ୍ଟୁଡିଓମାନଙ୍କୁ ସେମାନଙ୍କ ଫିଲ୍ମର ପ୍ରମୋସନ କରିବାରେ ସାହାଯ୍ୟ କରିବା ପାଇଁ ଫେସ୍ବୁକ୍ ଦୁଇଟି ନୂଆ ଫିଚର ଆଣିବାକୁ ଯାଉଛି । ପ୍ରଥମଟିର ନାଁ ମୁଭି ରିମାଇଣ୍ଡର ଆଡ୍ସ ଥିବା ବେଳେ ଦ୍ୱିତୀୟଟି ମୁଭି ସୋ’ ଟାଇମ୍ ଆଡ୍ସ ବୋଲି ଜଣା ପଡ଼ିଛି । ପୂର୍ବରୁ ଦର୍ଶକେ ଫିଲ୍ମର ରିଲିଜ୍ ଡେଟ୍ ଭୁଲିଯିବା ସହ କେଉଁ ଫିଲ୍ମ କେଉଁ ସମୟରେ ପ୍ରେକ୍ଷାଳୟରେ ଚାଲୁଛି, ତାହା ଜାଣିବା ପାଇଁ ଅନ୍ୟ ଆପ୍ ବ୍ୟବହାର କରୁଥିଲେ । କିନ୍ତୁ ଏହି ଫିଚର୍ସ ଆସିବା ପରେ ଏବେ ସେ ସବୁ ସମସ୍ୟା ହେବ ନାହିଁ ।
Sambad is now on WhatsApp
Join and get latest news updates delivered to you via WhatsApp
ମୁଭି ରିମାଇଣ୍ଡର ଆଡ୍ସ ଫିଚର୍ସ ଆସିବା ଦ୍ୱାରା କେଉଁ ଫିଲ୍ମ କେବେ ରିଲିଜ୍ ହେବ ବା କେଉଁ ଫିଲ୍ମ ରିଲିଜ୍ ହୋଇ ସାରିଛି ତାହା ବ୍ୟବହାରକାରୀ ଫେସ୍ବୁକ୍ ମାଧ୍ୟମରେ ଜାଣି ପାରିବେ । ଫେସ୍ବୁକ୍ରେ ଫିଲ୍ମର ବିଜ୍ଞାପନ ଦେଖି ଭଲ ଲାଗିଲେ ତଳେ ଥିବା ‘ଇଣ୍ଟ୍ରେଷ୍ଟେଡ୍’ ବଟନ ଉପରେ କ୍ଲିକ୍ କରି ପାରିବେ । ଏହା ପରେ ଫିଲ୍ମଟି ରିଲିଜ୍ ହେଲେ ଆପେ ଆପେ ବ୍ୟବହାରକାରୀଙ୍କ ପାଖକୁ ନୋଟିଫିକେସନ ଆସିଯିବ । ଏହି ନୂଆ ଫିଚର୍ସ ଆମେରିକା ଓ ଇଂଲଣ୍ଡରେ ଲଞ୍ଚ ହୋଇ ସାରିଥିବା ଜଣା ପଡ଼ିଛି ।
ଫେସ୍ବୁକ୍ ପକ୍ଷରୁ କୁହାଯାଇଛି କି, ପୂର୍ବରୁ ଲୋକମାନଙ୍କୁ ରିଲିଜ୍ ହୋଇ ସାରିଥିବା ଫିଲ୍ମର ସମୟ ଜାଣିବା ପାଇଁ ଅନ୍ୟ ଆପ୍ର ବ୍ୟବହାର କରିବାକୁ ପଡ଼ୁଥିଲେ । କିନ୍ତୁ ମୁଭି ସୋ’ ଟାଇମ୍ ଆଡ୍ସ ଫିଚର୍ସ ଆସିବା ପରେ ସେଥିରେ ଥିବା ‘ଗେଟ୍ ସୋ’ଟାଇମ୍’ ବଟନ ଉପରେ କ୍ଲିକ୍ କରି ଫେସ୍ବୁକ୍ରେ ଫିଲ୍ମର ବିବରଣୀ ପେଜ୍କୁ ଯାଇ ସୋ’ ଟାଇମ୍ ଦେଖି ପାରିବେ । ସୋ’ ଟାଇମ୍ ବ୍ୟତିତ ଟିକେଟ ସମ୍ବନ୍ଧିତ ବିବରଣୀ ମଧ୍ୟ ଏଥିରେ ବ୍ୟବହାରକାରୀଙ୍କୁ ମିଳିଯିବ ।