ପୁଣି ଥରେ ଲକଡାଉନ ହେଲେ ଅର୍ଥନୀତି ଭୁଷୁଡ଼ିପଡ଼ିବ, ରାଜ୍ୟ ସରକାରଙ୍କୁ ସତର୍କ କରାଇଲା ଫିକ୍କି
ଭୁବନେଶ୍ବର : ଓଡ଼ିଶା ସମେତ ସାରା ଦେଶରେ ପୁଣି ଥରେ କରୋନା ସଂକ୍ରମଣ ବଢିଚାଲିଥିବାବେଳେ ଓଡ଼ିଶା ସରକାର ଆସନ୍ତା ୧୭ ତାରିଖରୁ ରାଜ୍ୟରେ ରାତ୍ରିକାଳୀନ କର୍ଫ୍ୟୁ ଓ ୧୦ଟି ସୀମାବର୍ତ୍ତୀ ଜିଲ୍ଲାରେ ସପ୍ତାହାନ୍ତ ସଟଡାଉନ ଘୋଷଣା କରିଛନ୍ତି । ତେବେ ରାଜ୍ୟରେ ପୁଣି ଥରେ ଲକଡାଉନ, ଏପରିକି ଆଂଶିକ ଲକଡାଉନ ମଧ୍ୟ ନ ଲଗାଇବାକୁ ଶିଳ୍ପ ସଂଗଠନ ଫିକ୍କି ରାଜ୍ୟ ସରକାରଙ୍କୁ ଅନୁରୋଧ କରିଛି ।
Sambad is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏକ ପତ୍ର ଲେଖି ଫିକ୍କି ପକ୍ଷରୁ କୁହାଯାଇଛି ଯେ ଗତ ବର୍ଷ ଲକଡାଉନ ଲାଗୁ କରିବା ଜରୁରୀ ଥିଲେ ମଧ୍ୟ ତାହାଯୋଗୁଁ ଅର୍ଥନୀତି ଗୁରୁତର ଭାବେ କ୍ଷତିଗ୍ରସ୍ତ ହୋଇଥିଲା । ଏବେ ଧୀରେ ଧୀରେ ସ୍ଥିତିରେ ସୁଧାର ଆସୁଥିବାବେଳେ ପୁଣି ଥରେ ଲକଡାଉନ ଲଗାଇଲେ ଅର୍ଥନୀତି ପୁଣି ନିମ୍ନଗାମୀ ହେବ ।
ଲକଡାଉନ କରିବା ବଦଳରେ ସରକାର କୋଭିଡ୍ ପରୀକ୍ଷା ବୃଦ୍ଧି କରିବା ସହ ଲୋକମାନଙ୍କୁ ସଚେତନ କରି ଓ ୧୮ ବର୍ଷରୁ ଅଧିକ ବୟସର ସମସ୍ତଙ୍କୁ ଟିକା ଦେଇ କରୋନାର ମୁକାବିଲା କରିହେବ । କରୋନା ପରୀକ୍ଷା ସଂଖ୍ୟା ବୃଦ୍ଧି କରିବାକୁ ଅଧିକରୁ ଅଧିକ ଘରୋଇ ଲାବରୋଟୋରୀକୁ ଅନୁମତି ଦିଆଯାଇପାରିବ ବୋଲି ବୋଲି ଫିକ୍କି କହିଛି ।