କମୁନାହିଁ ଶ୍ରୀଲଙ୍କାରେ ଅର୍ଥନୈତିକ ସଙ୍କଟ: ଆକାଶଛୁଆଁ ଫଳର ମୂଲ୍ୟ

କଲମ୍ବୋ: ଶ୍ରୀଲଙ୍କାରେ ଅର୍ଥନୈତିକ ଏବଂ ରାଜନୈତିକ ସଙ୍କଟ ଜାରି ରହିଥିବାବେଳେ ଏହାର ପ୍ରଭାବ ସିଧାସଳଖ ଲୋକଙ୍କ ଉପରେ ପଡିଛି | ଏହାର ଫଳସ୍ୱରୂପ ଅନେକ ଅତ୍ୟାବଶ୍ୟକ ସାମଗ୍ରୀର ମୂଲ୍ୟ ଆକାଶଛୁଆଁ ହୋଇଛି | ମିଳିଥିବା ସୂଚନା ମୁତାବକ ଶ୍ରୀଲଙ୍କାରେ ଫଳ ଏବଂ ପନିପରିବାର ମୂଲ୍ୟ ଏତେ ବୃଦ୍ଧି ପାଇଛି ଯେ ସାଧାରଣ ଲୋକ ଏହାକୁ କିଣିବା ପ୍ରାୟ ଅସମ୍ଭବ ହୋଇପଡିଛି। ଦେଶରେ ଆପଲର ମୂଲ୍ୟ କିଲୋଗ୍ରାମ ପିଛା ୧୬୦୦ ଟଙ୍କାରେ ପହଞ୍ଚିଥିବାବେଳେ ଶ୍ରୀଲଙ୍କାର ସମସ୍ତ ଖାଦ୍ୟ ସାମଗ୍ରୀର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି | ଅର୍ଥର ଅଭାବ ହେତୁ ଦେଶରେ ଜିନିଷ ସମାପ୍ତ ହେବାରେ ଲାଗିଥିବାବେଳେ ଅଧିକାଂଶ ଲୋକଙ୍କ ପାଖରେ ଅର୍ଥ ନାହିଁ |

ତେବେ ଜାଣନ୍ତୁ ଯେ ଶ୍ରୀଲଙ୍କାରେ ଫଳର ମୂଲ୍ୟ କେତେ ଅଧିକ ରହିଛି | ବର୍ତ୍ତମାନ ଶ୍ରୀଲଙ୍କାରେ ଆମ୍ବ କିଲୋଗ୍ରାମ ପିଛା ୬୦୦ ଟଙ୍କା ରହିଥିବାବେଳେ କଦଳୀ ଡଜନ ପିଛା ୩୦୦ ଟଙ୍କାରେ ବିକ୍ରି ହେଉଛି | ସେହିପରି କମଳା କିଲୋଗ୍ରାମ ପିଛା ୧୫୦୦ ଟଙ୍କାରେ ପହଂଚିଥିବାବେଳେ ଜାନୁଆରୀ ମାସରେ ଏଠାରେ ଏକ କିଲୋଗ୍ରାମ କମଳାର ମୂଲ୍ୟ ୩୫୦ ଟଙ୍କା ଥିଲା | ଷ୍ଟ୍ରବେରିର ମୂଲ୍ୟ ବର୍ତ୍ତମାନ ଶ୍ରୀଲଙ୍କାରେ ୭୭୫ ଟଙ୍କାରେ ପହଞ୍ଚିଛି।

ଜାନୁଆରୀ ମାସରେ, ଏଠାରେ ଷ୍ଟ୍ରବେରି କିଲୋଗ୍ରାମ ପିଛା ୫୦୦ ଟଙ୍କା ଥିଲା | କିନ୍ତୁ ବର୍ତ୍ତମାନ ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି | ଯଦି ଆମେ ଖାଦ୍ୟ ସାମଗ୍ରୀ ବିଷୟରେ କହିବା ତେବେ କର୍ଣ୍ଣଫ୍ଲେକ୍ ୫୦୦ ଟଙ୍କା, କାଜୁ କିଲୋ ପିଛା ୬ ହଜାର ଟଙ୍କା, ବଟର ୧୦୦ ଗ୍ରାମ ପ୍ରତି ୧୩୦୦ ଟଙ୍କା, ପନିର ୧୦୦ ଗ୍ରାମ ପ୍ରତି ୧୫୦୦ ଟଙ୍କାରେ ପହଞ୍ଚିଛି |

ସମ୍ବନ୍ଧିତ ଖବର