ଇଲେକ୍ଟ୍ରିକ ଗାଡ଼ିରେ ନିଆଁ, ଆଗୁଆ ପଦକ୍ଷେପ ନେବାକୁ ନିର୍ମାତାମାନଙ୍କୁ ଗଡ଼କରୀଙ୍କ ନିର୍ଦ୍ଦେଶ
ନୂଆଦିଲ୍ଲୀ : ତେଲ ଦର ବୃଦ୍ଧି ପାଇଚାଲିଥିବା ପରିପ୍ରେକ୍ଷୀରେ ଇଲେକ୍ଟ୍ରିକ ଗାଡ଼ିଗୁଡ଼ିକର ଚାହିଦା ବଢିଚାଲିଛି । ତେବେ ଇଲେକ୍ଟ୍ରିକ ଗାଡ଼ିଗୁଡ଼ିକରେ ନିଆଁ ଲାଗିଯାଉଥିବାରୁ ସେଗୁଡ଼ିକର ସୁରକ୍ଷା ନେଇ ଚିନ୍ତା ସୃଷ୍ଟି ହୋଇଛି । ଏହାକୁ ଦୃଷ୍ଟିରେ ଗାଡ଼ି ନିର୍ମାତାମାନେ ଆଗୁଆ ପଦକ୍ଷେପ ନିଅନ୍ତୁ ବୋଲି କେନ୍ଦ୍ରର ସଡ଼କ ପରିବହନ ମନ୍ତ୍ରୀ ନିତିନ ଗଡ଼କରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ପକ୍ଷରୁ ଆୟୋଜିତ ସମ୍ମିଳନୀ ରାଇସିନା ଡାଇଲଗରେ ଯୋଗ ଦେଇ ସେ କହିଛନ୍ତି ଯେ ଇଲେକ୍ଟ୍ରିକ ଗାଡ଼ି ନିର୍ମାତାମାନେ ଆଗୁଆ ପଦକ୍ଷେପ ନେଇ ତ୍ରୁଟିଯୁକ୍ତ ଗାଡ଼ିଗୁଡ଼ିକୁ ପ୍ରତ୍ୟାହାର କରିବା ସହ ସେଗୁଡ଼ିକୁ ସଜାଡ଼ିବା ଆବଶ୍ୟକ । ତେବେ ମାର୍ଚ୍ଚ, ଏପ୍ରିଲ ଓ ମେ ମାସରେ ଗ୍ରୀଷ୍ମଋତୁ ଯୋଗୁଁ ତାପମାତ୍ରା ବଢିବା ସହ ଇଭି ବ୍ୟାଟେରିଗୁଡ଼ିକରେ ସମସ୍ୟା ଦେଖାଯାଉଥାଇପାରେ ।
ସେ କହିଛନ୍ତି ଯେ ଦେଶରେ ଏବେ ଇଭି ଗାଡ଼ିଗୁଡ଼ିକ ପ୍ରଚଳନ ଆରମ୍ଭ ହୋଇଛି । ଏଣୁ ଆରମ୍ଭରୁ ବିଭିନ୍ନ କଟକଣା ଲଗାଇ ସରକାର ପ୍ରତିବନ୍ଧକ ସୃଷ୍ଟି କରିବାକୁ ଚାହୁଁନାହାନ୍ତି । କିନ୍ତୁ ସୁରକ୍ଷା ଦିଗଟି ମଧ୍ୟ ଗୁରୁତ୍ବପୂର୍ଣ୍ଣ ଓ ଆମକୁ ଏହା ଉପରେ ପ୍ରାଥମିକତା ଦେବାକୁ ପଡ଼ିବ ଯେପରିକି ଏହାଯୋଗୁଁ ଲୋକମାନେ ମତ୍ୟୁବରଣ ନକରନ୍ତି ।
ସୂଚନାଯୋଗ୍ୟ ଯେ, ଇଲେକ୍ଟ୍ରିକ୍ ଗାଡ଼ି (ଇଭି) ଗୁଡ଼ିକରେ ହଠାତ ନିଆଁ ଲାଗିବା ଘଟଣା ବଢିଚାଲିଛି । ଏହାଯୋଗୁଁ ଜୀବନହାନୀ ମଧ୍ୟ ହେଉଛି ।