ନୂଆଦିଲ୍ଲୀ : ଭାରତୀୟ ବଜାରରେ ସୁନା ଓ ରୁପା ଦର ହ୍ରାସ ପାଇଛି । ଅନ୍ତର୍ଜାତୀୟ ବଜାରରେ ସୁନା ହ୍ରାସ ପାଇବା ଯୋଗୁଁ ଭାରତୀୟ ବଜାରରେ ସୁନା କମିଥିବା କୁହାଯାଉଛି । ପୁଣି ବିବାହ ଋତୁ ଶେଷ ହୋଇଯାଇଥିବାରୁ ଦେଶରେ ସୁନା ଚାହିଦା କମିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ବୁଲିୟନ ଏଣ୍ଡ ଜୁଏଲର୍ସ ଆସୋସିଏସନ ପକ୍ଷରୁ ଜାରି ଦର ତାଲିକା ଅନୁସାରେ ଗୁରୁବାରଦିନ ୨୪ କ୍ୟାରେଟ ସୁନା (୯୯୯ ଶୁଦ୍ଧତା) ୧୦ ଗ୍ରାମ ପିଛା ୩୩୧ ଟଙ୍କା ହ୍ରାସ ପାଇ ୫୦,୧୮୨ ଟଙ୍କାରେ ପହଞ୍ଚିଛି । ସେହିପରି ୨୨ କ୍ୟାରେଟ୍ ସୁନା ୪୯,୯୮୧ ଟଙ୍କାକୁ ହ୍ରାସ ପାଇଛି । ରୁପା ଦର କିଲୋଗ୍ରାମ ପିଛା ୬୩୦ ଟଙ୍କା ହ୍ରାସ ପାଇ ୫୪,୭୩୭ ଟଙ୍କାରେ ପହଞ୍ଚିଛି ।
ପ୍ରାୟ ୧୧ ବର୍ଷ ପରେ ୟୁରୋପୀୟ କେନ୍ଦ୍ରୀୟ ବ୍ୟାଙ୍କ ପକ୍ଷରୁ ସୁଧହାର ବୃଦ୍ଧି କରିବା ସମ୍ଭାବନା ମଧ୍ୟରେ ଅନ୍ତର୍ଜାତୀୟ ବଜାରରେ ସୁନା ଦର ୧ ବର୍ଷରେ ସର୍ବନିମ୍ନ ସ୍ତର ଆଉନ୍ସ ପିଛା ୧୬୯୧.୪୦ ଡଲାରକୁ ହ୍ରାସ ପାଇଛି । ପୂର୍ବରୁ ଗତ ଅଗଷ୍ଟ ୨୦୨୧ରେ ସୁନା ଏହି ସ୍ତରରେ ଥିଲା ।
ସେହିପରି ଅନ୍ତର୍ଜାତୀୟ ବଜାରରେ ଡଲାର ସୁଦୃଢ ହେବା ଦ୍ବାରା ନିବେଶକମାନେ ଡଲାରରେ ଅଧିକ ନିବେଶ କରୁଛନ୍ତି । ଏଥପାଇଁ ସୁନା ଦର ହ୍ରାସ ପାଉଛି । ଭାରତ ନିଜ ସୁନା ଆବଶ୍ୟକତାର ଅଧିକାଂଶ ଭାଗ ବିଦେଶରୁ ଆମଦାନୀ କରୁଥିବାରୁ ଅନ୍ତର୍ଜାତୀୟ ବଜାରରେ ସୁନା କମିଲେ ଭାରତରେ ହ୍ରାସ ପାଇଥାଏ ।