ଅକ୍ଷୟ ତୃତୀୟା ପରେ ଅଟକି ଯାଇଛି କି ସୁନା ଦର ?

ନୂଆଦିଲ୍ଲୀ : ଅକ୍ଷୟ ତୃତୀୟା ପରେ ସୁନା ଦରରେ ବୃଦ୍ଧି କୁ ନେଇ ବ୍ରେକ ଲାଗିବା ପରି ଲାଗୁଛି । ସୁନା ଚାହିଦା ହ୍ରାସ ଓ ଅନ୍ତର୍ଜାତୀୟ ବଜାରର ପ୍ରଭାବ କାରଣରୁ ଏପରି ହେଉଥିବା କୁହାଯାଉଛି । ରାଜଧାନୀ ଦିଲ୍ଲୀ ସମେତ ଅନ୍ୟାନ୍ୟ ବୁଲିଅନ୍ ବଜାରରେ ସୁନା ଦର ସ୍ଥିର ରହିଛି ଅଥବା ସାମାନ୍ୟ ହ୍ରାସ ଦେଖିବାକୁ ମିଳୁଛି । ଏହା ପୂର୍ବରୁ ଅନ୍ତର୍ଜାତୀୟ ବଜାରରେ ସୁନା ଦର ବୃଦ୍ଧି ପାଇଥିଲା ।

ଆଜି ଅର୍ଥାତ୍ ମେ' ୧୨ ତାରିଖରେ ସୁନା ଦର ସ୍ଥିର ରହିଛି। ନୂଆଦିଲ୍ଲୀରେ ୨୨ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୬,୭୪୦ ଟଙ୍କା ଥିବା ବେଳେ ୨୪ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୭,୩୫୧ ଟଙ୍କା ରହିଛି । ମୁମ୍ବାଇରେ ୨୨ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୬,୭୨୫ ଟଙ୍କା ଥିବା ବେଳେ ୨୪ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୭,୩୩୬ ଟଙ୍କା ରହିଛି ।  କୋଲକାତାରେ ବି ୨୨ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୬,୭୨୫ ଟଙ୍କା ଥିବା ବେଳେ ୨୪ କ୍ୟାରେଟ ୧୦ ଗ୍ରାମ ସୁନା ମୂଲ୍ୟ ୭,୩୩୬ ଟଙ୍କା ରହିଛି ।

ମେ' ୧୨ ତାରିଖ ରବିବାର ଭାରତୀୟ ଫ୍ୟୁଚର ବଜାର ବନ୍ଦ ରହିଛି । ତେବେ ଅନ୍ତର୍ଜାତୀୟ ବଜାରରେ ଗତକାଲି ସୁନା ଦରରେ ସାମାନ୍ୟ ବୃଦ୍ଧି ଘଟିଛି, କିନ୍ତୁ ତାହାର ପ୍ରଭାବ ଦେଶୀ ବଜାର ଉପରେ ସେତେଟା ପଡିନାହିଁ । ବାସ୍ତବରେ, ବ୍ୟବସାୟୀମାନେ ଆମେରିକାର ମାଇକ୍ରୋଇକୋନୋମିକ୍ ଡାଟା ଉପରେ ନଜର ରଖିଛନ୍ତି। ଚଳିତ ସପ୍ତାହରେ ଦୁର୍ବଳ ନିଯୁକ୍ତି ତଥ୍ୟରୁ ସୁନାକୁ ସମର୍ଥନ ମିଳିଛି, କାରଣ ଜୁନ୍ ନୀତି ସୁଧ ହାର ପୂର୍ବ ଅପେକ୍ଷା ଅଧିକ ବୃଦ୍ଧି କରିବାର ଆକଳନ କରିଛି। ଏଣୁ ଆଗକୁ ସୁନା ଦର ପୁଣି ବଢିବା ଆଶଙ୍କା ରହିଛି ।