ଆସନ୍ତା ବର୍ଷ ୧ ଲକ୍ଷ ଛୁଇଁବ ସୁନା ଦର !

ନୂଆଦିଲ୍ଲୀ: ସୁନାଦର ଗତ କିଛି ବର୍ଷହେଲା କ୍ରମାଗତଭାବେ ବଢିଚାଲିଛି । ଏଣୁ ସୁନାରେ ନିବେଶକୁ ନିବେଶକମାନେ ଅଧିକ ପସନ୍ଦ କରୁଛନ୍ତି । ଏବେ ସୁନାଦରକୁ ନେଇ ଅନ୍ତର୍ଜାତୀୟ ଇନଭେଷ୍ଟମେଣ୍ଟ ସଂସ୍ଥା ଗୋଲଡମ୍ୟାନ ସାକ୍ସର ଆକଳନ ଆସିଛି ।

ଗୋଲ୍ଡମ୍ୟାନ୍ ସାକ୍ସ ପୂର୍ବାନୁମାନ କରିଛି ଯେ ଆସନ୍ତା ବର୍ଷ ପ୍ରାରମ୍ଭରେ ଅନ୍ତର୍ଜାତୀୟ ବଜାରରେ ସୁନା ୨,୭୦୦ ଡଲାରରେ ପହଞ୍ଚିପାରେ। ଆଜି ବିଶ୍ୱ ବଜାରରେ ସୁନା ପ୍ରାୟ ୧ ପ୍ରତିଶତ ବୃଦ୍ଧି ପାଇ ଆଉନ୍ସ ପିଛା ୨,୫୦୭ ଡଲାରରେ କାରବାର କରୁଛି । ଅର୍ଥାତ୍ ଯଦି ଗୋଲ୍ଡମ୍ୟାନ୍ ସାକ୍ସର ଆକଳନ ଠିକ୍ ପ୍ରମାଣିତ ହୁଏ ତେବେ ଆସନ୍ତା ୫ରୁ ୬ ମାସ ମଧ୍ୟରେ ସୁନା ଦର ୭ରୁ ୮ ପ୍ରତିଶତ ବଢ଼ିପାରେ। ଏହି ହିସାବ ଅନୁସାରେ ଭାରତରେ ବି ସୁନାଦର ସେହି ସମୟ ସୁଦ୍ଧା ୭୮ ହଜାର ଟପିଯିବ ଓ ଆସନ୍ତା ବର୍ଷ ହିଁ  ୧ ଲକ୍ଷ ଟଙ୍କା ଛୁଇଁବାର ସମ୍ଭାବନା ରହିଛି ।

ଗୋଲ୍ଡମ୍ୟାନ୍ ସାକ୍ସ ପୂର୍ବାନୁମାନ କରିଛି ଯେ ଆସନ୍ତା ବର୍ଷ ପ୍ରାରମ୍ଭରେ ଅନ୍ତର୍ଜାତୀୟ ବଜାରରେ ସୁନା ୨,୭୦୦ ଡଲାରରେ ପହଞ୍ଚିପାରେ। ଆଜି ବିଶ୍ୱ ବଜାରରେ ସୁନା ପ୍ରାୟ ୧ ପ୍ରତିଶତ ବୃଦ୍ଧି ପାଇ ଆଉନ୍ସ ପିଛା ୨,୫୦୭ ଡଲାରରେ କାରବାର କରୁଛି । ଅର୍ଥାତ୍ ଯଦି ଗୋଲ୍ଡମ୍ୟାନ୍ ସାକ୍ସର ଆକଳନ ଠିକ୍ ପ୍ରମାଣିତ ହୁଏ ତେବେ ଆସନ୍ତା ୫ରୁ ୬ ମାସ ମଧ୍ୟରେ ସୁନା ଦର ୭ରୁ ୮ ପ୍ରତିଶତ ବଢ଼ିପାରେ।

ଘରୋଇ ବଜାରରେ ଏମ୍ସିଏକ୍ସରେ ଶୁକ୍ରବାର ସୁନା ୧୦ ଗ୍ରାମ ପିଛା ପ୍ରାୟ ୭୨ ହଜାର ଟଙ୍କା ରେ କାରବାର କରୁଛି। ଏହି ମୂଲ୍ୟ ଅକ୍ଟୋବରରେ ପ୍ରଦାନ କରାଯାଇଥିବା ଫ୍ୟୁଚର୍ସ ଚୁକ୍ତି ପାଇଁ ଅଟେ । ଯଦି ବିଦେଶୀ ବଜାର ଅନୁଯାୟୀ ଘରୋଇ ବଜାରରେ ସୁନା ଦର ବୃଦ୍ଧି ପାଏ ତେବେ ଏଠାରେ ମଧ୍ୟ ଆସନ୍ତା ୫-୬ ମାସ ମଧ୍ୟରେ ସୁନା ୭-୮% ବୃଦ୍ଧି ପାଇପାରେ । ଅର୍ଥାତ୍ ଆସନ୍ତା ବର୍ଷ ଆରମ୍ଭରେ ଘରୋଇ ବଜାରରେ ସୁନା ୭୮ ହଜାର ଟଙ୍କା ପର୍ଯ୍ୟନ୍ତ ଯାଇପାରେ।