ସୁନା ମହଙ୍ଗା, ୧୪ ମାସର ସର୍ବୋଚ୍ଚ ସ୍ତରରେ
ନୂଆଦିଲ୍ଲୀ: ସୁନାଦର ଗୁରୁବାରଦିନ ବିଗତ ୧୪ ମାସର ସର୍ବୋଚ୍ଚ ସ୍ତରରେ ପହଞ୍ଚିଛି । ଏହା ୧୦ ଗ୍ରାମ ପିଛା ୩୫୦ ଟଙ୍କା ବୃଦ୍ଧି ପାଇ ୩୧,୪୫୦ ଟଙ୍କାରେ ପହଞ୍ଚିଛି । ଅନ୍ତର୍ଜାତୀୟ ବଜାରରେ ପ୍ରଭାବ ଓ ଘରୋଇ ବଜାରରେ ଚାହିଦା ବୃଦ୍ଧି ଫଳରେ ଦର ବୃଦ୍ଧି ପାଇଥିବା ଜଣାଯାଇଛି । ରୁପା ମଧ୍ୟ କିଲୋଗ୍ରାମ ପିଛା ୧୧୦୦ ଟଙ୍କା ବୃଦ୍ଧି ପାଇ ୪୧,୦୦୦ ମାତ୍ରା ଟପିଯାଇଛି ।
Sambad is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ବଜାରରେ ଡଲାର ମୂଲ୍ୟ ଗତ ତିନି ବର୍ଷର ସବୁଠାରୁ ଦୁର୍ବଳ ଅବସ୍ଥାରେ ପହଞ୍ଚିଥିବାରୁ ସୁନାରେ ନିବେଶକମାନେ ପୁଞ୍ଜି ଖଟାଇବାକୁ ଅଧିକ ପସନ୍ଦ କରୁଛନ୍ତି । ଅନ୍ୟପକ୍ଷରେ ଭାରତରେ ବିବାହଋତୁ ଚାଲିଥିବାରୁ ଜୁଏଲର୍ସ ମାନଙ୍କ ସୁନା କ୍ରୟ ବଢିଯାଇଛି । ସିଙ୍ଗାପୁର ବଜାରରେ ସୁନା ଦର ଆଉନ୍ସ ପିଛା ୧୩୬୩ ଡଲାରରେ ପହଞ୍ଚିଛି ।
ନୂଆଦିଲ୍ଲୀରେ ୯୯.୯ ଶୁଦ୍ଧତାର ସୁନା ୩୧,୪୫୦ ଟଙ୍କା ଓ ୯୯.୫ ଶୁଦ୍ଧତାର ସୁନା ୩୧,୩୦୦ ଟଙ୍କାରେ ପହଞ୍ଚିଛି । ପୂର୍ବରୁ ନଭେମ୍ବର ୯ ୨୦୧୬ରେ ସୁନାଦର ଏହି ସ୍ତରରେ ଥିଲା ।