ଭାଇରସ୍ ଥିବାରୁ ପ୍ଲେ ଷ୍ଟୋର୍ରୁ ଏହି ୨୯ଟି ଆପ୍ସ ହଟାଇଲା ଗୁଗଲ୍
ନୂଆଦିଲ୍ଲୀ : ଗୁଗଲ ପ୍ଲେ ଷ୍ଟୋରରୁ ୨୯ଟି ଆପ୍ସ ହଟାଇ ଦିଆଯାଇଛି । ହଟାଯାଇଥିବା ଆପ୍ସରେ ଭାଇରସ୍ ଥିବାରୁ ଏହାକୁ ଗୁଗଲ ହଟାଇଥିବା ବେଳେ ଏକ କୋଟିରୁ ଅଧିକ ଥର ତାହାକୁ ଡାଉନ୍ଲୋଡ୍ କରାଯାଇଥିଲା ବୋଲି ଜଣାପଡ଼ିଛି । ଗୁରୁବାର କ୍ୱିକ୍ହିଲ୍ ସିକ୍ୟୁରିଟି ଲ୍ୟାବ୍ସ ପକ୍ଷରୁ ଭାଇରସ୍ ଥିବା ନେଇ ଏକ ରିପୋର୍ଟ ପ୍ରକାଶ କରାଯିବା ପରେ ଗୁଗଲ ଏହାକୁ ପ୍ଲେ ଷ୍ଟୋର୍ରୁ ହଟାଇବା ପାଇଁ ନିଷ୍ପତ୍ତି ନେଇଥିଲା ।
Sambad is now on WhatsApp
Join and get latest news updates delivered to you via WhatsApp
ସାମ୍ନାକୁ ଆସିଥିବା ୨୯ଟି ଆପ୍ସ ମଧ୍ୟରୁ ୨୪ଟି ଫୋନ୍ର ହୋମ୍ ସ୍କ୍ରିନ୍ରେ ଲୁଚି କରି ରହୁଥିଲା ବୋଲି ଜଣାପଡ଼ିଛି, ଯାହାକୁ ହାଇଡ୍ଆଡ୍ ବର୍ଗରେ ଆସୁଛି । ଏହି ଆପ୍ ଗୁଡ଼ିକୁ ଥରେ ଖୋଲିବା ପରେ ତାହାର ଆଇକନ୍ ବ୍ୟବହାରକାରୀଙ୍କୁ ନଜର ଆସି ନ ଥାଏ । କିନ୍ତୁ ସେ ଫୋନ୍ରେ ରହି ନିଜ କାମ କରିଥାଏ । ବ୍ୟବହାରକାରୀ ଏହି ଆପ୍ ଗୁଡ଼ିକ ସହଜରେ ଅନ୍ ଇନ୍ଷ୍ଟଲ ଯେମିତି ନ କରି ପାରିବେ, ସେ ନେଇ ଏହି ଆପ୍ର ଆଇକନ୍ ଅଦୃଶ୍ୟ ହୋଇଯାଇଥାଏ ବୋଲି କହିଛି କ୍ୱିକ୍ହିଲ୍ ସିକ୍ୟୁରିଟି ଲ୍ୟାବ୍ସ । ବ୍ୟବହାରକାରୀ ଆପ୍ର ସର୍ଟକର୍ଟ ଫୋନରୁ ହଟାଇ ପାରୁଥିଲେ ମଧ୍ୟ ଫୋନରେ ଏହା ଇନ୍ଷ୍ଟଲ ହୋଇ ରହିଥାଏ । ଅନ୍ୟ ୫ଟି ଆପ୍ସ ଆଡ୍େଓ୍ଵର୍ ବର୍ଗରେ ଆସୁଛି, ଯାହା ବିଜ୍ଞାପନ ମାଧ୍ୟମରେ ଡିଭାଇସ୍ ପର୍ଯ୍ୟନ୍ତ ପହଞ୍ଚି ଯାଇଥାଏ ।