ବ୍ୟାଙ୍କ ସେବାର ଗୁଣବତ୍ତା ବାବଦରେ ଲୋକଙ୍କ ମତ ସଂଗ୍ରହ କରାଯିବ
୮୦ ହଜାର କୋଟିର ପୁନଃପୁଞ୍ଜିକରଣ ଯୋଜନା ଘୋଷଣା କଲେ ସରକାର
ନୂଆଦିଲ୍ଲୀ : ସରକାର ଚଳିତ ଆର୍ଥିକ ବର୍ଷ ଶେଷସୁଦ୍ଧା ରାଷ୍ଟ୍ରାୟତ ବ୍ୟାଙ୍କଗୁଡିକରେ ପ୍ରାୟ ୮୦ ହଜାର କୋଟିର ପୁନଃପୁଞ୍ଜିକରଣ କରିବେ । ଏ ସଂପର୍କରେ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟଲୀ ଆଜି ଘୋଷଣା କରିଛନ୍ତି । ସରକାରଙ୍କ ଏହି ପଦକ୍ଷେପ ଫଳରେ ବଢିଚାଲିଥିବା ଏନପିଏ ବା ଅନାଦେୟ ଋଣ ଯୋଗୁଁ ସଂକଟରେ ପଡିଥିବା ବ୍ୟାଙ୍କମାନଙ୍କ ସ୍ଥିତି ସୁଧୁରିବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ବ୍ୟାଙ୍କ ସଂସ୍କାରର ଏକ ପ୍ରମୁଖ ବିଷୟ ହେଲା ଯେ ବ୍ୟାଙ୍କ ମାନଙ୍କ ସେବା ଗୁଣବତ୍ତା ସମ୍ପର୍କରେ ଲୋକମାନଙ୍କର ବିଚାରର ଆକଳନ କରିବା ଲାଗି ଏକ ସ୍ୱାଧୀନ ସଂସ୍ଥା ଦ୍ୱାରା ପ୍ରତିବର୍ଷ ସର୍ବେକ୍ଷଣ କରାଯିବ । ଏହା ସହିତ ସର୍ବେକ୍ଷଣର ଫଳାଫଳ ପ୍ରତିବର୍ଷ ପ୍ରକାଶ କରାଯିବ ।
“୨୦୧୭-୧୮ ବର୍ଷର ପୁଞ୍ଜି ନିବେଶ ଯୋଜନାରେ ପୁନଃପୁଞ୍ଜିକରଣ ବଣ୍ଡ ଜରିଆରେ ୮୦ ହଜାର କୋଟି ଟଙ୍କା ଏବଂ ବଜେଟ ସହାୟତା ରୂପରେ ୮,୧୩୯ କୋଟି ଟଙ୍କା ସାମିଲ ରହିଛି । ଏହି ଯୋଜନା ଦ୍ୱାରା ସମସ୍ତ ସରକାରୀ ବ୍ୟାଙ୍କଗୁଡ଼ିକର ପୁଞ୍ଜି ଆବଶ୍ୟକତା ପୂରଣ କରାଯିବ “ ଜେଟଲୀ କହିଛନ୍ତି ।
ପୁନଃପୁଞ୍ଜିକରଣ ଏକ ସୁଦୃଢ଼ ସଂସ୍କାର ପ୍ୟାକେଜ ଯେଉଁଥିରେ ୬ ଟି ମୂଳ ବିଷୟ ସାମିଲ ରହିଛି, ଏଥିରେ ୩୦ ଟି କାର୍ଯ୍ୟ ବିନ୍ଦୁ ଆକଳନ କରାଯାଇଛି । ସଂସ୍କାର ଏଜେଣ୍ଡା ନଭେମ୍ବର ୨୦୧୭ରେ ହୋଇଥିବା ପିଏସବି ମନ୍ଥନରେ କରାଯାଇଥିବା ସୁପାରିସ ଉପରେ ଆଧାରିତ । ସଂସ୍କାର ଏଜେଣ୍ଡାର ଉଦ୍ଦେଶ୍ୟରେ ଇଏଏସଇ-ବ୍ୟାପକ ଗ୍ରହଣୀୟତା ଓ ସେବାରେ ଉକ୍ରର୍ଷତା ଉପରେ ଗୁରୁତ୍ୱାରୋପ କରାଯାଇଛି । ଗ୍ରାହକଙ୍କ ପ୍ରତି ଉତ୍ତରଦାୟିତ୍ୱର ୬ଟି ମୂଳ ବିଷୟ ରହିଛି । ସେଗୁଡ଼ିକ ହେଉଛି ଉତ୍ତରଦାୟୀ ବ୍ୟାଙ୍କିଙ୍ଗ, ଋଣରେ ବୃଦ୍ଧି, ଉଦ୍ୟୋଗୀ ମିତ୍ର ରୂପରେ ପିଏସବି, ଆର୍ଥିକ ଅନ୍ତର୍ଭୂକ୍ତିକରଣ, ଡିଜିଟାଲାଇଜେସନ ତଥା ବ୍ରାଣ୍ଡ ପିଏସବି ଲାଗି କର୍ମଚାରୀମାନଙ୍କୁ ପ୍ରସ୍ତୁତ କରିବା ଦିଗରେ ଏହା କାର୍ଯ୍ୟ କରୁଛି ।