ନୂଆଦିଲ୍ଲୀ:  ଇନଫୋସିସ୍ ପାଇଁ ଏକ ଆଶ୍ବସ୍ତିଭରା ଖବର । କମ୍ପାନିକୁ ସରକାର ପଠାଇଥିବା ୩୩,୫୦୦ କୋଟି ଟଙ୍କାର ଜିଏସଟି ନୋଟିସ ପ୍ରତ୍ୟାହାର କରିବାକୁ ବିଚାର କରୁଛନ୍ତି । ଗତ ମାସରେ କମ୍ପାନିକୁ ୪ ବିଲିୟନ ଡଲାର (ପାଖାପାଖି ୩୩,୫୦୦ କୋଟି ଟଙ୍କା)ର ଜିଏସଟି ନୋଟିସ୍ ମିଳିଥିଲା। ଏହାକୁ ନେଇ ଆଇଟି ଇଣ୍ଡଷ୍ଟ୍ରିରେ ବହୁତ ହଇଚଇ ସୃଷ୍ଟି ହୋଇଥିଲା । ଏଥିସହିତ ଏଭଳି ଟିକସ ଦାବିକୁ ମଧ୍ୟ ତୀବ୍ର ସମାଲୋଚନା କରାଯାଇଥିଲା। ଏହି କାରଣରୁ କେନ୍ଦ୍ର ସରକାର ଏବେ ଏହି ବିଶାଳ ଜିଏସଟି ନୋଟିସକୁ ପ୍ରତ୍ୟାହାର କରିବାକୁ ବିଚାର କରୁଛନ୍ତି । ଯଦି ସରକାର ଏପରି ନିଷ୍ପତ୍ତି ନିଅନ୍ତି ତାହା କମ୍ପାନି ପାଇଁ ଆଶ୍ବସ୍ତି ଆଣିଦେବ ।

Advertisment

ଏକ ନ୍ୟୁଜ ଏଜେନ୍ସି ରିପୋର୍ଟରେ ଦାବି କରାଯାଇଛି ଯେ ସରକାର ଏବେ ୨୦୧୭ ବର୍ଷ ପାଇଁ କରାଯାଇଥିବା ଏହି ଟିକସ ଦାବି ପ୍ରତ୍ୟାହାର କରିବାକୁ  ବିଚାର କରୁଛନ୍ତି । ଗତ ମାସରେ ଇନଫୋସିସକୁ ଏହି ନୋଟିସ୍ ପଠାଯାଇଥିଲା। ରିପୋର୍ଟ ଅନୁଯାୟୀ, ଅର୍ଥ ମନ୍ତ୍ରଣାଳୟ ବିଶ୍ୱାସ କରୁଛି ଯେ ନିୟମ ଅନୁଯାୟୀ ଇନଫୋସିସକୁ ନୋଟିସ୍ ପଠାଯାଇଥିଲା। ତେବେ ଏହା ସେବା ରପ୍ତାନି ଉପରେ ଟିକସ ନ ଲଗାଇବା ନୀତିର ବିରୁଦ୍ଧାଚରଣ କରୁଛି। ତେବେ ଅର୍ଥ ମନ୍ତ୍ରଣାଳୟ କିମ୍ବା ଇନଫୋସିସ୍ ଏ ନେଇ କିଛି କହିବାକୁ ମନା କରିଦେଇଛନ୍ତି ।

 

 

 

 

 

 

,