ଅଗରବତୀ ଆମଦାନୀ ଉପରେ କଟକଣା ଲଗାଇଲେ ସରକାର
ନୂଆଦିଲ୍ଲୀ : ଚୀନ, ଭିଏତନାମ ପରି ଦେଶରୁ ଅଗରବତୀ ଏବଂ ଅନ୍ୟାନ୍ୟ ଦହନଶୀଳ ସୁଗନ୍ଧିତ ସାମଗ୍ରୀ, ରୁମଫ୍ରେଶନର ଆଦିର ଆମଦାନୀ ବଢୁଥିବାରୁ ସରକାର ଏସବୁ ସାମଗ୍ରୀ ଆମଦାନୀ ଉପରେ କଟକଣା ଲଗାଇଛନ୍ତି । ଏ ସଂପର୍କରେ ଆଜି ବୈଦେଶିକ ବାଣିଜ୍ୟ ମହାନିର୍ଦ୍ଦେଶାଳୟ (ଡିଜିଏଫଟି) ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ପୂର୍ବରୁ ଏସବୁ ସାମଗ୍ରୀର ଆମଦାନୀ ଉପରେ କୌଣସି କଟକଣା ନଥିବାବେଳେ ଏବେ ସେଗୁଡ଼ିକୁ ଆମଦାନୀ ନିଷିଦ୍ଧ ସାମଗ୍ରୀ ମଧ୍ୟରେ ସାମିଲ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ଭାରତକୁ ଧୂପକାଠି ବା ଅଗରବତୀ ଏବଂ ଅନ୍ୟାନ୍ୟ ଦହନଶୀଳ ସୁଗନ୍ଧିତ ସାମଗ୍ରୀ ଆମଦାନୀ ବିଗତ କିଛି ବର୍ଷ ମଧ୍ୟରେ ଅହେତୁକ ପରିମାଣରେ ବୃଦ୍ଧି ପାଇଛି । ଚଳିତ ଆର୍ଥିତ ବର୍ଷର ପ୍ରଥମ ତିନିମାସରେ ଏସବୁ ସାମଗ୍ରୀର ଆମଦାନୀ ପରିମାଣ ୧୭.୭୫ ନିୟୁତ ଡଲାରରେ ପହଞ୍ଚିଛି । ଗତ ବର୍ଷ ଏହା ପ୍ରାୟ ୮୩.୫୮ ନିୟୁତ ଡଲାର ଥିଲା । ବିଦେଶରୁ ଆସୁଥିବା ଏହି ଅଗରବତୀଗୁଡ଼ିକ ଭାରତୀୟ କୂଟୀର ଶିଳ୍ପକୁ ଧ୍ୱଂସ କରିଦେବାର ଆଶଙ୍କା ଥିବାରୁ ସରକାର ଏହି ପଦକ୍ଷେପ ନେଇଛନ୍ତି ।