ନୂଆଦିଲ୍ଲୀ: ରାଷ୍ଟ୍ରାୟତ୍ତ ପ୍ରତିରକ୍ଷା କମ୍ପାନି ହିନ୍ଦୁସ୍ତାନ ଏରୋନୋଟିକ୍ସ ଲିମିଟେଡ୍ (ହାଲ୍)ରେ ନିଜର ଅଂଶଧନ ବିକ୍ରି କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି। ଏହା ଅଧୀନରେ ସରକାର ୩.୫ ପ୍ରତିଶତ ଅଂଶଧନ ବିକ୍ରି କରିବେ । ସରକାର ଓଏଫ୍ଏସ୍ ଜରିଆରେ ଅଂଶଧନ କୁ ସେୟାର ପିଛା ୨୪୫୦ ଟଙ୍କା ମୂଲ୍ୟରେ ବିକ୍ରି କରିବେ। ଏହା ମାଧ୍ୟମରେ ଏହା ପାଖାପାଖି ୨,୮୦୦ କୋଟି ଟଙ୍କା ସଂଗ୍ରହ କରିବ ବୋଲି ଆଶା ରଖିଛି ।
Sambad is now on WhatsApp
Join and get latest news updates delivered to you via WhatsApp
ହାଲରେ ନିଜର ଅଂଶଧନ ବିକ୍ରି କରିବା ପାଇଁ ସରକାର ଦୁଇ ଦିନିଆ ଓପନ୍ ସେଲ୍ ଅଫର (ଓଏଫ୍ଏସ୍) ଆଣିବେ ବୋଲି ହାଲ୍ ବୁଧବାର କହିଛି । ସଂସ୍ଥାଗତ ନିବେଶକମାନେ ଗୁରୁବାର ଏହାର ସେୟାର କିଣିପାରିବେ ଏବଂ ଶୁକ୍ରବାର ଖୁଚୁରା ନିବେଶକମାନେ ଏହାର ସେୟାର କିଣିପାରିବେ । ହାଲର ଓଏଫ୍ଏସ୍ ଅଧୀନରେ ମୌଳିକ ୧.୭୫ ପ୍ରତିଶତ ଅଂଶଧନ ବା ୫୮.୫୧ ଲକ୍ଷ ସେୟାର ପ୍ରଦାନ କରାଯିବ ଏବଂ ଅଧିକ ଯୋଗଦାନ ହେଲେ ସମାନ ସଂଖ୍ୟକ ଅଂଶଧନ ବିକ୍ରି କରିବାର ବିକଳ୍ପ ରହିବ। ଏହି ଉପାୟରେ ହାଲ୍ ର ମୋଟ ୩.୫ ପ୍ରତିଶତ ଅଂଶଧନ ପ୍ରଦାନ କରାଯାଇପାରିବ ।