ଆସନ୍ତା ୧ ବର୍ଷ ପର୍ଯ୍ୟନ୍ତ ସୁନା ଅଳଙ୍କାରର ଦାମ କମାଇବାକୁୁ ବାଧ୍ୟ ହେବେ ବ୍ୟବସାୟୀ, କାରଣ ଜାଣନ୍ତୁ
ନୂଆଦିଲ୍ଲୀ : କେନ୍ଦ୍ର ସରକାର ଆସନ୍ତା ୨୦୨୧ ଜାନୁୟାରୀ ୧୫ରୁ ସୁନା ଅଳଙ୍କାର ଉପରେ ହଲମାର୍କିଂକୁ ବାଧ୍ୟତାମୂଳକ କରିବାକୁ ଯାଇଛନ୍ତି । ଅର୍ଥାତ ସୁନା ଗହଣାରେ ହଲମାର୍କିଂ ନଥିଲେ ତାହାକୁ ବଜାରରେ ବିକ୍ରି କରିହେବ ନାହିଁ । ସରକାରଙ୍କ ଏହି ନିଷ୍ପତ୍ତି ଫଳରେ ଦେଶର ସୁନା ବଜାରରେ ଏକ ବଡ଼ ପରିବର୍ତ୍ତନ ଆଣିବା ଆଶାକରାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା ୨୦୨୧ ଜାନୁୟାରୀ ୧୫ରୁ ସୁନା ଅଳଙ୍କାରରେ ହଲମାର୍କିଂ ବାଧ୍ୟତାମୂଳକ ହେବାକୁ ଥିବାବେଳେ ହାତରେ ଆଉ ମାତ୍ର ଗୋଟିଏ ବର୍ଷ ରହିଛି । ସୁନା ବ୍ୟବସାୟୀମାନେ ଏହି ଗୋଟିଏ ବର୍ଷ ହିଁ ବିନା ହଲମାର୍କିଂରେ ସୁନା ଅଳଙ୍କାର ବିକ୍ରି କରିପାରିବେ । ଏଣୁ ସେମାନେ ଗଚ୍ଛିତ ରଖିଥିବା ଅଣ-ହଲମାର୍କ ସୁନା ଅଳଙ୍କାରକୁ ଖାଲି କରିବାକୁ ଚାହିଁବେ । ଏଥିପାଇଁ ସେମାନଙ୍କ ଆଗରେ ଦୁଇଟି ଉପାୟ ଅଛି । ସେମାନେ ବିମାନ ତିଆରି ଖର୍ଚ୍ଚରେ ସୁନା ଅଲଙ୍କାର ବିକ୍ରି କରିଦେବେ । ଅଥବା ସୁନା ଅଳଙ୍କାରକୁ ତରଳାଇ ତାହାକୁ ହଲମାର୍କିଂ ସୁନାରେ ପରିବର୍ତ୍ତନ କରିବେ । ତରଳାଇଲେ ତାଙ୍କୁ ଅଧିକ କ୍ଷତିହେବାର ସମ୍ଭବନା ରହିଛି । କାରଣ ସେମାନେ ପୂର୍ବରୁ ଖର୍ଚ୍ଚକରିଥିବା ତିଆରି ଖର୍ଚ୍ଚ ହରାଇବେ ଓ ସୁନା ହଲମାର୍କିଂ ହେବା ପରେ ତାହାକୁ ପୁଣି ଥରେ ଅଳଙ୍କାର ଗଢିବେ । ଏଣୁ ସେମାନେ ବିନା ତିଆରି ଖର୍ଚ୍ଚରେ ଶସ୍ତା ଦାମରେ ଅଳଙ୍କାର ବିକ୍ରି କରିବେ । ତେବେ ଗ୍ରାହକମାନେ ଏହାଦ୍ୱାରା କେତେ ଲାଭ ପାଇବେ ତାହା ସୁନାର ଦର ଉପରେ ନିର୍ଭର କରିବ ।