ନୂଆଦିଲ୍ଲୀ: ଭାରତରେ ଏମିତି ଅନେକ ଗାଁକୁ ରାସ୍ତା ନଥିବାରୁ ଯାଇପାରୁନି ଆମ୍ବୁଲାନ୍ସ, ଗୁରୁତର ରୋଗୀଙ୍କୁ ଭାରରେ ବୋହି ଆଣିବାକୁ ପଡୁଛି | ଏହାକୁ ନଜରରେ ରଖି ହିରୋ ମୋଟୋକର୍ପ ୬୦ ଟି ଦୁଇ ଚକିଆ ଆମ୍ବୁଲାନ୍ସ ଦାନ କରିଛି | ଏହି ମୋବାଇଲ୍ ଆମ୍ବୁଲାନ୍ସ ଗ୍ରାମାଞ୍ଚଳ ତଥା ଦୁର୍ଗମ ଅଞ୍ଚଳରେ ରୋଗୀମାନଙ୍କ ନିକଟରେ ପହଞ୍ଚିବ ଏବଂ ସେମାନଙ୍କୁ ନିକଟସ୍ଥ ଡାକ୍ତରଖାନାକୁ ପଠାଇବା ପାଇଁ ଉପଯୋଗୀ ହେବ | ଏହି ଆମ୍ବୁଲାନ୍ସଗୁଡିକ ୧୫୦ସିସି ଏବଂ ତଦୁର୍ଦ୍ଧ୍ୱ ବିସ୍ଥାପନ ସହିତ ହିରୋ ମୋଟୋକର୍ପ ମୋଟରସାଇକେଲରେ ଲଗାଯିବା ପାଇଁ ଆସେସୋରିଜ୍ ଭାବରେ ନିର୍ମାଣ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏଥିସହ ଏହି ଆମ୍ବୁଲାନ୍ସ ସାମଗ୍ରୀଗୁଡ଼ିକରେ ପ୍ରାଥମିକ ଚିକିତ୍ସା ସହାୟତା କିଟ୍, ଅମ୍ଳଜାନ ସିଲିଣ୍ଡର, ଅଗ୍ନି ନିର୍ବାପକ ଯନ୍ତ୍ର ଏବଂ ସାଇରନ୍ ଭଳି ଅତ୍ୟାବଶ୍ୟକ ଚିକିତ୍ସା ଉପକରଣ ଅନ୍ତର୍ଭୁକ୍ତ ରହିଛି ।
Putting our engineering and manufacturing expertise to a social cause.
60 of such first-responder mobile ambulances will be donated to authorities for reaching out to patients in rural and remote areas and comfortably moving them to the nearest hospital.#StaySafe #WeCare pic.twitter.com/BmmbJ9zWAR— Hero MotoCorp (@HeroMotoCorp) April 14, 2020
ଏଠାରେ ସୂଚନା ଥାଉ କି ହିରୋ ଗ୍ରୁପ୍ କରୋନା ଲଢେଇ ପାଇଁ ୧୦୦ କୋଟି ଟଙ୍କା ଦେବାର ପ୍ରତିଶୃତି ଦେଇଛି। ଏହି ରାଶିର ଅଧା ଅର୍ଥାତ ୫୦ କୋଟି ଟଙ୍କା ପିଏମ-କେୟାର ପାଣ୍ଠିରେ ଦିଆଯିବ ଏବଂ ଅବଶିଷ୍ଟ ୫୦ କୋଟି ଟଙ୍କା ଅନ୍ୟ ରିଲିଫ କାର୍ଯ୍ୟରେ ଖର୍ଚ୍ଚ ହେବ। ଏଥିରେ ମାସ୍କ, ସାନିଟାଇଜର, ଗ୍ଲୋଭସ୍ ଏବଂ ୧୦୦ ଭେଣ୍ଟିଲେଟର ବଣ୍ଟନ କରିବା ଏବଂ ୧୫୦୦୦ ଲୋକଙ୍କୁ ଭୋଜନ ବଣ୍ଟନ କରିବା ଅନ୍ତର୍ଭୁକ୍ତ ରହିଛି |