ଭୁବନେଶର : ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ପକ୍ଷରୁ ଘୋଷଣା କରାଯାଇଛି ଯେ ନାଭିର ବିକ୍ରି ୧ ଲକ୍ଷ ମାଇଲଖୁଣ୍ଟ ଅତିକ୍ରମ କରିଛି। ୨୦୧୬ ଅଟୋ ଏକ୍ସପୋରେ ନାଭିକୁ ଉନ୍ମୋଚନ କରାଯାଇଥିଲା। ଏହା ହେଉଛି ପ୍ରଥମ ୧୦୦% ସ୍ୱଦେଶୀ ଭାବେ ବିକଶିତ ମଡେଲ୍ ଯାହାକୁ ହୋଣ୍ଡାର ଭାରତୀୟ ଆର୍ଆଣ୍ଡଡି ଟିମ୍ ପ୍ରସ୍ତୁତ କରିଥିଲା। କେବଳ ଭାରତ ନୁହେଁ ସାରା ଦୁନିଆରେ କୌତୁକ ଉପାଦାନର ପ୍ରସାର କରି ହୋଣ୍ଡା ନାଭି ଚଳିତ ବର୍ଷ ଦୁଇଟି ନୂଆ ବଜାର ଡୋମିନିକାନ୍ ରିପବ୍ଲିକ୍ ଓ କୋଷ୍ଟା ରିକାରେ ଉପଲବ୍ଧ ହେବାକୁ ଯାଉଛି। ନାଭିକୁ ୧୦ଟି ଦେଶକୁ ରପ୍ତାନି କରାଯାଉଛି। ଏହି ସଫଳତା ବିଷୟରେ ୟଦବିନ୍ଦର ସିଂହ ଗୁଲେରିଆ, ବରିଷ୍ଠ ଉପସଭାପତି-ବିକ୍ରି ଓ ମାର୍କେଟିଂ, ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡ୍ କହିଛନ୍ତି ଯେ, ‘ଟ୍ରେଣ୍ଡି ନାଭି ହେଉଛି ଏକ ଷ୍ଟାଇଲ ଷ୍ଟେଟ୍ମେଣ୍ଟ୍ ଓ ଏହା ଯୁବବର୍ଗ ପାଇଁ ଟ୍ରେଣ୍ଡ୍ ଧାର୍ଯ୍ୟ କରୁଛି। ଏହାର ଅଣପାରମ୍ପରିକ ଡିଜାଇନ୍, ଲୁକ୍ ଓ ଏହାକୁ କଷ୍ଟମାଇଜ୍ କରିବାର ଅସୀମୀତି ସମ୍ଭାବନା ଯୋଗୁଁ କେବଳ ଭାରତ ନୁହେଁ ସାରା ବିଶ୍ୱର ଅଗଣିତ ଯୁବବର୍ଗଙ୍କ ସହିତ ଆମେ ଯୋଡ଼ି ହୋଇପାରିଛୁ। ସେମାନେ ନାଭି ଚାଳନାକୁ ଉପଭୋଗ କରୁଛନ୍ତି ଓ ନୂତନ ଗ୍ରାହକ ବିକଳ୍ପ ସନ୍ଧାନ କରୁଛନ୍ତି ।’’ ନାଭିର ୨୦୧୮ ସଂସ୍କରଣରେ ଫୁଏଲ୍ ଗଜ୍ ଓ ମଟାଲ୍ ମଫଲର୍ ପ୍ରୋଟେକ୍ଟର ବ୍ୟବହାର କରାଯାଇଛି। ଏଥିରେ ୧୦୯ସିସି ଇଂଜିନ୍, ଗ୍ରାବ୍ ରେଲ୍, ହେଡଲାଇଟ୍ କଭର୍, ପଛକୁ ଦେଖିବା ମିରର୍ ଓ ଲାଲ୍ ରଂଗର କୁସନ୍ ଆଦି ରହିଛି। ଛଅଟି ଆକର୍ଷଣୀୟ ରଙ୍ଗରେ ଉପଲବ୍ଧ ହେଉଥିବା ନାଭିର ମୂଲ୍ୟ ୪୪,୭୭୫ ଟଙ୍କା (ଏକ୍ସ ସୋରୁମ୍ ଦିଲ୍ଲୀ) ରହିଛି।
Sambad is now on WhatsApp
Join and get latest news updates delivered to you via WhatsApp