ଭୁବନେଶ୍ୱର: ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ (ଏଚ୍ଏମ୍ଏସ୍ଆଇ) ତରଫରୁ ଆକ୍ଟିଭା ୫ଜି ଓ ସିବି ସାଇନର ଲିମିଟେଡ୍ ଏଡିସନ୍ ମଡେଲକୁ ଉନ୍ମୋଚନ କରାଯାଇଛି। ଆକ୍ଟିଭା ୫ଜିର ଲିମିଟେଡ୍ ଏଡିସନ୍‌ରେ ୧୦ ନୂଆ ପ୍ରିମିୟମ୍ ଷ୍ଟାଇଲ୍ ଯୋଗ କରାଯାଇଛି ଏବଂ ଏହା ଦୁଇଟି ଡୁଆଲ୍-ଟୋନ୍ ଆକର୍ଷଣୀୟ ରଙ୍ଗରେ ଉପଲବ୍ଧ ହେଉଛି। ସିବି ସାଇନର ଲିମିଟେଡ୍ ଏଡିସନରେ ପାଂଚ ପ୍ରକାରର ନୂଆ ପ୍ରିମିୟମ ଷ୍ଟାଇଲ୍ ଯୋଗ କରାଯାଇଛି ଏବଂ ଏହା ଦୁଇଟି ଆକର୍ଷଣୀୟ ଡୁଆଲ୍ ଟୋନ୍‌ ରଙ୍ଗରେ ଉପଲବ୍ଧ ହେଉଛି। ହୋଣ୍ଡାର ବରିଷ୍ଠ ଉପସଭାପତି ( ବିକ୍ରି ଓ ମାର୍କେଟିଂ) ୟଦବିନ୍ଦର ସିଂହ ଗୁଲେରିଆ କୁହନ୍ତି, ଆକ୍ଟିଭା ୫ଜି ଓ ସିବି ସାଇନ୍‌ର ଲିମିଟେଡ୍ ଏଡିସନ୍ ଉନ୍ମୋଚନ କରି କମ୍ପାନି ଏହାର ଗ୍ରାହକଙ୍କ ରୋମାଂଚକୁ ଦ୍ୱିଗୁଣିତ କରିଛି। ଆକ୍ଟିଭା ୫ଜି ଲିମିଟେଡ୍ ଏଡିସନରେ ଷ୍ଟାଇଲିସ ଗ୍ରାଫିକ୍ସ, ବ୍ଲାକ୍ ରିମ୍, କ୍ରୋମ୍ ମଫଲର କଭର, କମ୍ପ୍ଲିଟ ବ୍ଲାକଡ୍ ଆଉଟ୍ ଇଂଜିନ, ଗ୍ରାବ୍ ରେଲ୍, ଇନର୍ ଇଂଟେରିୟର କଭର, କନଷ୍ଟ୍ରାଟ୍ ରଙ୍ଗ ଥିବା ସିଟ୍ ରହିଛି । ସେହିପରି ସିବି ସାଇନ ଲିମିଟେଡ୍ ଏଡିସନରେ ନୂଆ ଗ୍ରାଫିକ୍ସ, ଡାଇନାମିକ ରଙ୍ଗ ଥିମ୍ ଥିବା ଗ୍ରାବ୍ ରେଲ୍ ଏବଂ ବୋଲ୍ଡ ଡୁଆଲ୍ ଟୋନ୍ ଟାଙ୍କି ଓ ଆକର୍ଷଣୀୟ ଡେକାଲ୍ ରହିଛି। ଆକ୍ଟିଭା ୫ଜି ଲିମିଟେଡ୍ ଏଡିସନର ମୂଲ୍ୟ ୫୫,୦୩୨ ଟଙ୍କା ଓ ସିବି ସାଇନ୍ ଲିମିଟେଡ୍ ଏଡିସନର ମୂଲ୍ୟ ୫୯,୦୮୩ ଟଙ୍କା ରହିଛି।