ଅନ୍ତର୍ଜାତୀୟ ସ୍ତରରେ ଏହିସବୁ ନୂଆ ବାଇକ ଲଞ୍ଚ୍ କରିଛି ହୋଣ୍ଡା
ମିଲାନ (ଇଟାଲୀ) : ମିଲାନଠାରେ ଅନୁଷ୍ଠିତ ଇଆଇସିଏମଏ ପ୍ରଦର୍ଶନୀରେ ହୋଣ୍ଡା ପୂର୍ଣ୍ଣାଙ୍ଗ ୨୦୧୯ ୟୁରୋପୀୟ ମୋଟର ସାଇକେଲ ରେଞ୍ଜ୍ ପ୍ରଦର୍ଶନ କରିଛି । ଏଥିରେ ୩ ଟି ବ୍ୟାପକ ଉନ୍ନୀତକରଣ ମଡ଼େଲ ଓ ୨ଟି ନୂଆ ମଡ଼େଲ ସ୍ଥାନିତ ହୋଇଛି ।
Sambad is now on WhatsApp
Join and get latest news updates delivered to you via WhatsApp
ସିବି୧୦୦୦ଆର, ସିବି୩୦୦ଆର, ସିବି୧୨୫ଆର ମଡ଼େଲ ୨୦୧୮ ମସିହାରେ ପ୍ରଚଳନ ପରେ ହୋଣ୍ଡା ’ନିଓ ସ୍ପୋର୍ଟସ୍ କାଫେ’ ପରିବାରର ସିବି୬୫୦ଆର, ବଜାରକୁ ଆଣିଛି । ଏହି ଗାଡ଼ି ଦେଖିବାକୁ ବେଶ ଆକର୍ଷଣୀୟ ହେବା ସହ ଏହାର ଦକ୍ଷତା ମଧ୍ୟ ଉତ୍ତମ ରହିଛି । ଅନ୍ୟ ନୂତନ ମଡ଼େଲଟି ହେଲା ସିବିଆର୬୫୦ଆର । ଏଥିରେ ନାରୋ ଡ଼ୁଆଲ ଏଲଇଡ଼ି ହେଡ଼ଲାଇଟ ରହିଛି । ସଂପ୍ରସାରିତ ସାଇଡ଼ ଫେୟାରିଂ ରହିଛି । ଏହାର ଓଜନ ସିବିଆର୬୫୦ଏଫ ଠାରୁ ୬ କିଲୋଗ୍ରାମ କମ୍ । ଏହାର କାର୍ଯ୍ୟଦକ୍ଷତା ବେଶ ଉତ୍ତମ ରହିଛି । ସିବିଆର୬୫୦ଆର ଓ ସିବି୬୫୦ଆରର ଇଂଜିନ ପରିବର୍ତ୍ତନ ଦକ୍ଷତା ୩୫କିଲୋୱାଟ ରହିଛି । ୩ଟି ୫୦୦ସିସି ଇଂଜିନରେ ଉନ୍ନତୀକରଣ ଅଣାଯାଇଛି । ୨୦୧୩ ମସିହାରେ ପ୍ରଚଳନ ହେବା ପରେ ୟୁରୋପରେ ୫୦୦ସିସି ଇଂଜିନ ଗାଡ଼ି ୭୫,୦୦୦ ବିକ୍ରୟ ହୋଇଛି । ୨୦୧୯ପାଇଁ ସିବି୫୦୦ଏଫ, ସିବିଆର୫୦୦ଆର, ସିବି୫୦୦ଏକ୍ସକୁ ଦକ୍ଷତା ସଂପନ୍ନ କରାଯାଇଛି । ଏହି ୩ଟି ମଡ଼େଲରେ ପଛ ପାର୍ଶ୍ୱରେ ନୂଆ ସସ୍ପେନସନ, ସ୍ଲିପର କ୍ଲଚ, ଆଧୁନିକ ଏଲସିଡ଼ି ଆଦି ରହିଛି ।