ହୋଣ୍ଡାର ନୂଆ ବାଇକ୍ ହାଇନେସ୍-ସିବି ୩୫୦, ଏଥିରେ ରହିଛି ସ୍ମାର୍ଟଫୋନ୍ ଭଏସ୍ କଂଟ୍ରୋଲ୍ ସିଷ୍ଟମ୍
ଭୁବନେଶ୍ବର: ହୋଣ୍ଡା ମୋଟରସାଇକଲ୍ ଆଣ୍ଡ୍ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ (ଏଚ୍ଏମ୍ଏସ୍ଆଇ) ପକ୍ଷରୁ ନୂଆ ବାଇକ୍ ହାଇନେସ୍-ସିବି ୩୫୦କୁ ଏକ ଭର୍ଚୁଆଲ୍ କାର୍ଯ୍ୟକ୍ରମ ମାଧ୍ୟମରେ ଉନ୍ମୋଚନ କରାଯାଇଛି। ଏହାର ଏକ୍ସ ସୋ’ରୁମ୍ ମୂଲ୍ୟ ହେଉଛି ୧ ଲକ୍ଷ ୯୦ ହଜାର ଟଙ୍କା। ଏଥିରେ ୩୫୦ ସିସିର ସିଙ୍ଗିଲ୍ ସିଲିଣ୍ଡର ଇଞ୍ଜିନ ବ୍ୟବହାର କରାଯାଇଛି। ଏଚ୍ଏମ୍ଏସ୍ଆଇର ଏମ୍ଡି ଓ ସିଇଓ ଆତଶୁଶି ଓଗାତା ଓ ନିର୍ଦେଶକ-ବିକ୍ରି ଓ ବିପଣନ ୟଦବିନ୍ଦର ସିଂହ ଗୁଲେରିଆଙ୍କ ଉପସ୍ଥିତିରେ ହୋଣ୍ଡା ମୋଟର କଂପାନି, ଜାପାନର ମ୍ୟାନେଜିଂ ଅଫିସର ନୋରିଆକି ଆବେ ଓ ଅପରେଟିଂ ଅଫିସର ମାସାୟୁକି ଇଗାରାଶି ଏହି ନୂଆ ବାଇକ୍କୁ ଉନ୍ମୋଚନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏଥିରେ ସ୍ମାର୍ଟଫୋନ୍ ଭଏସ୍ କଂଟ୍ରୋଲ୍ ସିଷ୍ଟମ୍, ଫୁଲ୍ ଏଲ୍ଇଡି ସେଟ୍ଅପ୍, ଡିଜିଟାଲ୍-ଆନାଲଗ୍ ସ୍ପିଡୋମିଟର୍, ପଛରେ ଚଉଡ଼ା ଟାୟାର, ଡୁଆଲ୍ ଡିସ୍କ ବ୍ରେକ୍ ସହିତ ଡୁଆଲ୍ ଚ୍ୟାନେଲ୍ ଏବିଏସ୍, ଇଞ୍ଜିନ ଷ୍ଟାର୍ଟ/ଷ୍ଟପ୍ ସ୍ବିଚ୍ ଓ ୧୫ ଲିଟରର ତେଲ ଟାଙ୍କି ରହିଛି। ଆଜି ଠାରୁ ଗ୍ରାହକମାନେ ହୋଣ୍ଡାର ବିଗ୍ୱିଙ୍ଗ୍ ଡିଲର୍ସିପ୍ କିମ୍ବା କଂପାନି ୱେବସାଇଟ୍ରେ ଏହାର ବୁକିଙ୍ଗ୍ କରିପାରିବେ। ଏହା ଡିଏଲ୍ଏକ୍ସ ଓ ଡିଏଲ୍ଏକ୍ସ ପ୍ରୋ ଭଳି ଦୁଇଟି ଭାରିଆଣ୍ଟ୍ରେ ଉପଲବ୍ଧ ହେବ।