ନୂଆଦିଲ୍ଲୀ: ନିୟମ ଅନୁସାରେ ଲୋକମାନେ ନିଜ ଘରେ ଯେତେ ପରିମାଣର ନଗଦ ଟଙ୍କା ଚାହିବେ ରଖିପାରିବେ। କିନ୍ତୁ ସେଗୁଡ଼ିକର ଉତ୍ସ ବିଷୟରେ ଜଣାଇବାକୁ ହେବ। ଯଦି ସଠିକ୍ ଉତ୍ସ ଜଣାଇବାରେ ବିଫଳ ହେବେ ତେବେ ୧୩୭ ପ୍ରତିଶତ ହାରରେ ଜରିମାନା ଅସୁଲ କରାଯିବ। ଆୟକର ନିୟମ ଅନୁସାରେ ବିବାହିତା ମହିଳାମାନେ ଘରେ ୫୦୦ ଗ୍ରାମ, ଅବିବାହିତ ମହିଳାମାନେ ୨୫୦ ଗ୍ରାମ ଓ ପୁରୁଷ ସଦସ୍ୟମାନେ ୧୦୦ ଗ୍ରାମ ସୁନା ରଖିପାରିବେ। ଘରର ବାହାରର କୌଣସି ଲୋକଙ୍କ ସୁନାକୁ ଏଥିପାଇଁ ବିଚାରକୁ ନିଆଯିବ ନାହିଁ। ତଦନ୍ତ ଏଜେନ୍ସି ଚଢ଼ଉ ବେଳେ ଏହାଠାରୁ ଅଧିକ ଥିବା ସୁନା ଜବତ କରିବ।