ପ୍ରତି ୫ ମିନିଟରେ ବିକ୍ରି ହେଉଛି ଗୋଟିଏ କାର, ୬ ମାସ ଧରି ନମ୍ବର-୧ ସ୍ଥାନରେ ହ୍ୟୁଣ୍ଡାଇର ଏହି କାର
ନୂଆଦିଲ୍ଲୀ: କରୋନା ସଙ୍କଟ ମଧ୍ୟରେ ୧୬ ମାର୍ଚ୍ଚ ୨୦୨୦ ରେ ନୂତନ କ୍ରେଟା ଲଞ୍ଚ କରାଯାଇଥିଲା | ତେବେ ଏହାର ଏକ ସପ୍ତାହ ପରେ କରୋନା ଭୂତାଣୁ କାରଣରୁ ସାରା ଦେଶରେ ଲକଡାଉନ ପାଇଁ ଘୋଷଣା କରାଯାଇଥିଲା। କିନ୍ତୁ ଲକଡାଉନ ସମୟରେ ମଧ୍ୟ ନୂଆ କ୍ରେଟା ବିକ୍ରି ହୋଇଥିଲା | ମାର୍ଚ୍ଚରୁ ଆଜି ପର୍ଯ୍ୟନ୍ତ ପରିସଂଖ୍ୟାନ ସୂଚାଇ ଦେଉଛି ଯେ ଗ୍ରାହକଙ୍କ ମଧ୍ୟରେ କ୍ରେଟାର ଭଲ ଚାହିଦା ରହିଛି । ନୂତନ କ୍ରେଟାର ଚାହିଦା ଏପରି ରହିଛି ଯେ କ୍ରମାଗତ ୬ ମାସ (ଏପ୍ରିଲ୍-ସେପ୍ଟେମ୍ବର) ପାଇଁ ଏସୟୁଭି ସେଗମେଣ୍ଟରେ ସର୍ବାଧିକ ବିକ୍ରି ହୋଇଥିବା କାର ତାଲିକାରେ ଏହା ରହିଛି | ଏହି ୬ ମାସ ମଧ୍ୟରେ ସମୁଦାୟ ୪୬,୦୫୧ ୟୁନିଟ୍ କ୍ରେଟା ବିକ୍ରି ହୋଇଛି |
Sambad is now on WhatsApp
Join and get latest news updates delivered to you via WhatsApp
ସେପ୍ଟେମ୍ବର ୨୦୨୦ ରେ କ୍ରେଟା ୧୨,୩୨୫ ୟୁନିଟ୍ ବିକ୍ରି କରିଥିଲା | ସେହିପରି ନୂତନ କ୍ରେଟା ବୁକିଂ ୧.୧୫ ଲକ୍ଷରୁ ଅଧିକ ହୋଇଛି ବୋଲି କମ୍ପାନୀ ପକ୍ଷରୁ କୁହାଯାଇଛି । ଏଥି ସହିତ ଗତ ୫ ବର୍ଷରେ ୫.୨ ଲକ୍ଷରୁ ଅଧିକ ୟୁନିଟ୍ ବିକ୍ରି ହୋଇଛି। ଅର୍ଥାତ୍ କମ୍ପାନୀ ପ୍ରତି ୫ ମିନିଟରେ ଏକ ହୁଣ୍ଡାଇ କ୍ରେଟା ବିକ୍ରି କରୁଛି | ୨୦୧୫ ରେ ହୁଣ୍ଡାଇ କ୍ରେଟା ଲଞ୍ଚ କରିଥିଲା |
୨୦୨୦ କ୍ରେଟାରେ ଲୁକ୍ ପରିବର୍ତ୍ତନ ସହିତ ଅନେକ ବୈଶିଷ୍ଟ୍ୟ ଯୋଡାଯାଇଛି | ଏହାର ବେସ୍ ମଡେଲର ଏକ୍ସ-ଶୋ’ରୁମ୍ ମୂଲ୍ୟ ୯.୯୯ ଲକ୍ଷ ଟଙ୍କା ଥିବାବେଳେ ଟପ୍ ମଡେଲର ମୂଲ୍ୟ ୧୭.୨୦ ଲକ୍ଷ ଟଙ୍କା ରହିଛି | ଭାରତୀୟ ବଜାରରେ କ୍ରେଟା, କିଆ ସେଲ୍ଟୋସ୍, ଏମଜି ହେକ୍ଟର, ମହିନ୍ଦ୍ରା ଏକସୟୁଭି୫୦୦ ଏବଂ ଟାଟା ହ୍ୟାରିୟର ପରି ଏସୟୁଭି ସହିତ ପ୍ରତିଦ୍ୱନ୍ଦ୍ୱିତା କରେ |