ରିକ୍ସାଚାଳକକୁ ୩ କୋଟିର ଆୟକର ନୋଟିସ
ଲକ୍ଷ୍ନୌ: ଆୟକର ବିଭାଗରୁ ୩ କୋଟିରୁ ଊର୍ଦ୍ଧ୍ବ ଟଙ୍କା ଟିକସ ପଇଠ କରିବା ପାଇଁ ଏକ ନୋଟିସ୍ ମିଳିବା ପରେ ଉତ୍ତରପ୍ରଦେଶ ବାକଲପୁର ଅଞ୍ଚଳର ଅମର କଲୋନିରେ ରହୁଥିବା ପ୍ରତାପ ସିଂହ ନାମକ ଜଣେ ରିକ୍ସାଚାଳକ ହାଇୱେ ଥାନାରେ ଅଭିଯୋଗ କରିଛନ୍ତି। ଥାନା ଅଧିକାରୀ ଅନୁଜ କୁମାର କହିଛନ୍ତି ଅଭିଯୋଗର ତଦନ୍ତ କରାଯିବ। ଇତିମଧ୍ୟରେ ସିଂହ ସାମାଜିକ ଗଣମାଧ୍ୟମରେ ଘଟଣାଗୁଡ଼ିକର ଅନୁକ୍ରମ ବର୍ଣ୍ଣନା କରି ଏକ ଭିଡିଓ ଅପ୍ଲୋଡ୍ କରିଛନ୍ତି। ସେ କହିଛନ୍ତି, ତାଙ୍କ ବ୍ୟାଙ୍କ ପ୍ୟାନ୍ ନମ୍ବର ମାଗିବାରୁ ବାକଲପୁରଠାରେ ତେଜ ପ୍ରକାଶ ଉପାଧ୍ୟାୟଙ୍କ ମାଲିକାନାରେ ଥିବା ଜନସବୁଧା କେନ୍ଦ୍ରରେ ମାର୍ଚ୍ଚ ୧୫ରେ ଏକ ପ୍ୟାନ୍ କାର୍ଡ ପାଇଁ ଆବେଦନ କରିଥିଲେ। ଏହାପରେ ବାକଲପୁରର ଜନୈକ ସଂଜୟ ସିଂହ (ମୋ-୯୮୯୭୭୬୨୭୦୬)ଙ୍କଠାରୁ ତାଙ୍କୁ ପ୍ୟାନ୍ କାର୍ଡର ଏକ ରଙ୍ଗିନ ଫଟୋ କପି ମିଳିଲା।
Sambad is now on WhatsApp
Join and get latest news updates delivered to you via WhatsApp
ସେ ନିରକ୍ଷର ହୋଇଥିବାରୁ ଅସଲି ମୂଳ ପ୍ୟାନ୍ କାର୍ଡ ଓ ତା’ର ରଙ୍ଗିନ ଫଟୋ କପି ଭିତରେ କିଛି ଫରକ ଜାଣିପାରିଲେ ନାହିଁ। ପ୍ୟାନ୍ କାର୍ଡଟିଏ ପାଇବା ପାଇଁ ୟା ଭିତରେ ତାଙ୍କୁ ତିନିମାସ କାଳ ଏଣେ ତେଣେ ଦୌଡ଼ିବାକୁ ପଡ଼ିଛି। ଏହାପରେ ଅକ୍ଟୋବର ୧୯ରେ ଆୟକର ଅଫିସରୁ ତାଙ୍କ ପାଖକୁ ଏକ ଫୋନ୍ ଆସିଲା, ଯେଉଁଥିରେ ତାଙ୍କୁ ୩,୪୭,୫୪,୮୯୬ ଟଙ୍କାର ଟିକସ ପଇଠ କରିବାକୁ ନିର୍ଦ୍ଦେଶ ଦିଆଯାଇଥିଲା। ଆୟକର ଅଧିକାରୀମାନେ କହିଲେ ଯେ କେହି ତାଙ୍କ ନାମରେ ଏକ ଜିଏସ୍ଟି ନମ୍ବର ନେଇଛି ଏବଂ ୨୦୧୮-୧୯ରେ ତାଙ୍କର ୪୩,୪୪,୩୬,୨୦୧ ଟଙ୍କାର ବ୍ୟବସାୟ ହୋଇଛି। ତାଙ୍କ ନାମରେ କେହି ଜାଲିଆତି କରିଥିବା ନେଇ ଥାନାରେ ଅଭିଯୋଗ କରିବାକୁ ଆୟକର ଅଧିକାରୀମାନେ ପରାମର୍ଶ ଦେଇଥିଲେ।