ଟାଟା ସନ୍ସ ଏୟାରଇଣ୍ଡିଆ ନିଲାମରେ ବିଜୟୀ ହୋଇଥିବା ଖବରରେ ସତ୍ୟତା ନାହିଁ : ସରକାର
ନୂଆଦିଲ୍ଲୀ : ରାଷ୍ଟ୍ରାୟତ୍ତ ବିମାନସେବା କମ୍ପାନି ଏୟାରଇଣ୍ଡିଆ ନିଲାମରେ ଟାଟା ସନ୍ସ ବିଜୟୀ ହୋଇଛି ବୋଲି ଗଣମାଧ୍ୟମରେ ହେଉଥିବା ଚର୍ଚ୍ଚାକୁ କେନ୍ଦ୍ର ସରକାର ଖଣ୍ଡନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏ ସମ୍ପର୍କରେ ଏକ ଟ୍ବିଟ କରି କେନ୍ଦ୍ର ଅର୍ଥ ମନ୍ତ୍ରାଳୟ ଅଧିନସ୍ଥ ପୁଞ୍ଜିନିବେଶ ଓ ରାଷ୍ଟ୍ରାୟତ୍ତ ଉଦ୍ୟୋଗ ପରିଚାଳନା ବିଭାଗ ପକ୍ଷରୁ କୁହାଯାଇଛି ଟାଟା ସନ୍ସ ଏୟାର ଇଣ୍ଡିଆ ନିଲାମରେ ବିଜୟୀ ହୋଇଛି ବୋଲି ଯେଉଁ ରିପୋର୍ଟ ଗଣମାଧ୍ୟମରେ ପ୍ରକାଶିତ ହେଉଛି ସେଥିରେ ସତ୍ୟତା ନାହିଁ । ସରକାର ନିଷ୍ପତ୍ତି ସମ୍ପର୍କରେ ଯଥା ସମୟରେ ଗଣମାଧ୍ୟମକୁ ସୂଚୀତ କରାଯିବ ।
Media reports indicating approval of financial bids by Government of India in the AI disinvestment case are incorrect. Media will be informed of the Government decision as and when it is taken. pic.twitter.com/PVMgJdDixS
— Secretary, DIPAM (@SecyDIPAM) October 1, 2021
ସୂଚନାଯୋଗ୍ୟ ଯେ ଏୟାରଇଣ୍ଡିଆ ନିଲାମ ଦୌଡ଼ରେ ଟାଟା ସନ୍ସ ସବୁଠାରୁ ଆଗରେ ରହିଥିବା ଏକ ସମ୍ବାଦ ସରବରାହ ଏଜେନ୍ସି ରିପୋର୍ଟ ଦେଇଥିଲା ।
ଏହି ନିଲାମ ଦୌଡରେ ‘ସ୍ପାଇସ୍ଜେଟ୍ର ପୃଷ୍ଠପୋଷକ ଅଜୟ ସିଂହ ମଧ୍ୟ ଆବେଦନ କରିଥିଲେ। କିନ୍ତୁ, ‘ଏୟାର୍ ଇଣ୍ଡିଆ’କୁ ଅକ୍ତିଆର କରିବା ଲାଗି ‘ଟାଟା ସନ୍ସ୍’ ଅଧିକ ମୂଲ୍ୟ ଉଲ୍ଲେଖ କରିଥିବା କଥା ରିପୋର୍ଟରେ କୁହାଯାଇଥିଲା ।
ଗତ ବର୍ଷ ଡିସେମ୍ବର ମାସରେ ସରକାର ଏୟାର ଇଣ୍ଡିଆ ବିକ୍ରି ପାଇଁ ନିଲାମ ଡାକିଥିଲେ । ଏଥିପାଇଁ ୪ଟି ବିଡ୍ ପଡ଼ିଥିଲା । କିନ୍ତୁ ଚୂଡ଼ାନ୍ତ ପର୍ଯ୍ୟାୟରେ କେବଳ ଟାଟା ସନ୍ସ ଓ ଅଜୟ ସିଂ ଅଛନ୍ତି ।