ନୂଆଦିଲ୍ଲୀ: ଭାରତ ବିଶ୍ୱର ଏକ ଗରିବ ଦେଶ ବୋଲି ଜଣାଶୁଣା । ଆମ ଜନସଂଖ୍ୟାର ପ୍ରାୟ ୩୦ ପ୍ରତିଶତ ଗରିବ ସୀମାରେଖା ତଳେ ରହିଛନ୍ତି । ସରକାର ମଧ୍ୟ ଦେଶରେ ଅନେକ ଦାରିଦ୍ର୍ୟ ଦୂରୀକରଣ ଯୋଜନା କାର୍ଯ୍ୟକାରୀ କରୁଛନ୍ତି । କିନ୍ତୁ ଗରିବ ସଂଖ୍ୟା କମିବାର ନାଁ ଧରୁନାହିଁ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଯଦି କୁହାଯାଏ ଯେ ଭାରତ ବିଶ୍ୱରେ ଏକ ଧନୀ ଦେଶ ବୋଲି ତେବେ ଆପଣ ବୋଧହୁଏ ବିଶ୍ୱାସ କରିବେ ନାହିଁ । କିନ୍ତୁ ଗୋଟିଏ ସର୍ଭେରୁ ଏହା ଜଣାପଡ଼ିଛି । ନ୍ୟୁ ଓ୍ଵାର୍ଲଡ େଓ୍ଵଲଥ ରିପୋର୍ଟରେ ଥିବା ବିଶ୍ୱର ଧନୀ ରାଷ୍ଟ୍ରମାନଙ୍କ ତାଲିକା ରେ ଭାରତ ୬ଷ୍ଠ ସ୍ଥାନରେ ରହିଛି । ଗୋଟିଏ ଦେଶର ଲୋକମାନଙ୍କ ମୋଟ ବ୍ୟକ୍ତିଗତ ସଂପତ୍ତିକୁ ମିଶାଇ ଏହି ତାଲିକା ପ୍ରସ୍ତୁତ କରାଯାଇଛି । ଏଥିରେ ସରକାରୀ ସଂପତ୍ତିକୁ ମିଶାଯାଇନାହିଁ ।
୬୪,୫୮୪ ବିଲିୟନ ଡଲାର ସହ ଆମେରିକା ବିଶ୍ୱର ନଂ୧ ଧନୀ ଦେଶର ମାନ୍ୟତା ପାଇଛି । ତା’ତଳକୁ ରହିଛି ଚୀନ, ଏହାର ମୋଟ ସଂପତ୍ତିର ପରିମାଣ ୨୪,୮୦୩ ବିଲିୟନ ଡଲାର । ୧୯,୫୨୨ ବିଲିୟନ ଡଲାର ସହ ୩ୟ ସ୍ଥାନରେ ରହିଛି ଜାପାନ । ୯,୯୧୯ ବିଲିୟନ ଡଲାର ସଂପତ୍ତି ସହ ବ୍ରିଟେନ ୪ର୍ଥ ଓ ୯୬୬୦ ବିଲିୟନ ଡଲାର ସହ ଜର୍ମାନି ୫ମ ସ୍ଥାନରେ ରହିଛି । ୮୨୩୦ ବିଲିୟନ ଡଲାର ସହ ଭାରତ ୬ଷ୍ଠ ସ୍ଥାନରେ ରହିଛି । ବିଗତ କିଛି ବର୍ଷ ଧରି ଭାରତ ସମ୍ପତ୍ତି ପରିମାଣ ବଢିଥିବା ଏଥିରେ କୁହାଯାଇଛି ।