ସବୁଠୁ ଦ୍ରୁତ ଗତିରେ ବଢ଼ିବ ଭାରତ, ଅଭିବୃଦ୍ଧି ୯.୨% ହେବ: ଏନ୍ଏସ୍ଓ
ନୂଆଦିଲ୍ଲୀ: ଚଳିତ ଆର୍ଥିକ ବର୍ଷରେ ଭାରତର ଜିଡିପି ଅଭିବୃଦ୍ଧି ୯.୨% ରହିବ ବୋଲି କେନ୍ଦ୍ର ସରକାରଙ୍କ ସଂସ୍ଥା ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ) ଆକଳନ କରିଛି। ଏହା ହେଲେ ବିଶ୍ବର ସବୁଠୁ ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତିର ମାନ୍ୟତା ପାଇବ ଭାରତ। କୋଭିଡ୍ ମହାମାରୀ ପ୍ରଭାବ ଯୋଗୁଁ ଗତ ଆର୍ଥିକ ବର୍ଷରେ ଅଭିବୃଦ୍ଧି ୭.୩% ହ୍ରାସ ପାଇଥିଲା।
Sambad is now on WhatsApp
Join and get latest news updates delivered to you via WhatsApp
ଜିଡିପିକୁ ନେଇ ଭାରତୀୟ ରିଜର୍ଭ ବ୍ୟାଙ୍କ ଯେଉଁ ଆକଳନ କରିଥିଲା ତା’ଠାରୁ ଅଭିବୃଦ୍ଧି କମ୍ ରହିବ ବୋଲି ଏନ୍ଏସ୍ଓ ଆକଳନ କରିଛି। ରିଜର୍ଭ ବ୍ୟାଙ୍କର କହିଥିଲା ଯେ ଜିଡିପି ଅଭିବୃଦ୍ଧି ୯.୫% ରହିବ। ଚଳିତ ଆର୍ଥିକ ବର୍ଷର ପ୍ରଥମ ତ୍ରୟମାସରେ ଦେଶର ଜିଡିପି ଅଭିବୃଦ୍ଧି ୨୦.୧% ଭଳି ଉଚ୍ଚ ସ୍ତରରେ ରହିଥିଲା। ଏହା ପରେ ଦ୍ବିତୀୟ ତ୍ରୟମାସ ଅଭିବୃଦ୍ଧି ୮.୪% ରହିଛି। ୨୦୨୧-୨୨ ଆର୍ଥିକ ବର୍ଷରେ କୃଷି ଅଭିବୃଦ୍ଧି ୩.୯% ରହିବ ବୋଲି ଆକଳନ କରାଯାଇଛି। ୨୦୨୦-୨୧ରେ କୃଷି କ୍ଷେତ୍ର ୩.୬% ଅଭିବୃଦ୍ଧି ହାସଲ କରିଥିଲା। ମାନୁଫାକ୍ଚରିଂ ଅଭିବୃଦ୍ଧି ୧୨.୫% ରହିବ ବୋଲି ଏଥର ଆକଳନ କରାଯାଇଛି ଯାହା ଗତବର୍ଷ ୭.୨% ହ୍ରାସ ପାଇଥିଲା।