ଲକଡାଉନ ଯୋଗୁଁ ଅର୍ଥନୀତି ୭-୮ ଲକ୍ଷ କୋଟିର କ୍ଷତି ସହିବ
ନୂଆଦିଲ୍ଲୀ : କରୋନା ଭାଇରସ ଓ ତାକୁ ନେଇ ସୃଷ୍ଟି ଦେଶବ୍ୟାପୀ ଲାଗୁ ହୋଇଥିବା ଲକଡାଉନ ଯୋଗୁଁ ଦେଶର ଅର୍ଥନୀତି ପାଇଁ ଏକ ବଡ଼ ବିପଦ ଘନେଇ ଆସୁଛି । ଏହି ଲକଡାଉନ ଦ୍ୱାରା ଦେଶର ଅଭିବୃଦ୍ଧି ହ୍ରାସ ପାଇବ । ଏହା ସହିତ ଭାରତୀୟ ଅର୍ଥନୀତି ପ୍ରାୟ ୭ରୁ ୮ ଲକ୍ଷ କୋଟି ଟଙ୍କାର କ୍ଷତି ସହିବ ବୋଲି ବିଭିନ୍ନ ଶିଳ୍ପ ସଂଗଠନ ଓ ବିଶେଷଜ୍ଞମାନେ ଅଟକଳ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେଣ୍ଟ୍ରମ ଇନଷ୍ଟିଚ୍ୟୁସନାଲ ରିସର୍ଚ୍ଚ ପକ୍ଷରୁ କୁହାଯାଇଛି ଯେ କରୋନା ମହାମାରୀ ଏପରି ସମୟରେ ଆସିଲା ଯେତେବେଳେ ଭାରତୀୟ ଅର୍ଥନୀତି ଏକ ମାନ୍ଦାବସ୍ଥାରୁ ଧୀରେ ଧୀରେ ସୁଧୁରୁଥିଲା । ଲକଡାଉନ ଯୋଗୁଁ ଅର୍ଥନୀତି ପ୍ରାୟ ୭ରୁ ୮ ଲକ୍ଷ କୋଟି ଟଙ୍କାର କ୍ଷତି ସହିବାର ଆଶଙ୍କା ରହିଛି ।
ପୂର୍ବରୁ ଆକ୍ୱିଟି ରେଟିଂସ ପକ୍ଷରୁ କୁହାଯାଇଥିଲା ଯେ ୨୧ ଦିନିଆ ଲକଡାଉନ ଦ୍ୱାରା ଅର୍ଥନୀତି ୩୫ ହଜାର କୋଟିର କ୍ଷତି ସହିବ । ଏବେ ଲକଡାଉନ ସମୟ ଆଉ ୨ ସପ୍ତାହ ବଢିବାର ସମ୍ଭାବନା ଥିବାରୁ କ୍ଷତି ପରିମାଣ ଅନେକ ଅଧିକ ହେବା ଆଶଙ୍କା କରାଯାଉଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗତମାସ ୨୪ ତାରିଖରେ ୨୧ ଦିନିଆ ଲକଡାଉନ ଘୋଷଣା କରିଥିଲେ । ଏହି ସମୟ ଏପ୍ରିଲ ୧୪ ମଧ୍ୟରାତ୍ରିରେ ସମାପ୍ତ ହେଉଛି ।