ନୂଆଦିଲ୍ଲୀ: ବୃଦ୍ଧି ପାଉଥିବା ଶୀତକୁ ଦୃଷ୍ଟିରେ ରଖି ରେଳ ମନ୍ତ୍ରାଳୟ ୧୩୦ଟି ଟ୍ରେନକୁ ଆସନ୍ତା ୨ ମାସ ପର୍ଯ୍ୟନ୍ତ ବାତିଲ କରିବାକୁ ନିର୍ଦ୍ଦେଶ ଦେଇଛନ୍ତି। ୨୦୧୮ ଡିସେମ୍ବର ୧୩ରୁ ୨୦୧୯ ଫେବ୍ରୁଆରି ୧୫ ପର୍ଯ୍ୟନ୍ତ ଏହି ଟ୍ରେନ୍ ଚଳାଚଳ ବନ୍ଦ ରହିବ।
Sambad is now on WhatsApp
Join and get latest news updates delivered to you via WhatsApp
୧୩୦ଟି ଟ୍ରେନ୍ ବାତିଲ ପ୍ରସଙ୍ଗରେ ରେଳବାଇ କହିଛି, ଡିସେମ୍ବର ଶେଷ ହେବାକୁ ବସିଲାଣି । ତେଣୁ ସାରା ଦେଶରେ ଶୀତ ଲହରୀ ଜାରି ରହିଛି । ବଢୁଥିବା ଶୀତକୁ ଦୃଷ୍ଟିରେ ରଖି ଏହି ଟ୍ରେନ ଚଳାଚଳକୁ ବାତିଲ କରାଯାଇଛି। ବାତିଲ ହୋଇଥିବା ଟ୍ରେନ ମଧ୍ୟରେ ଅଧିକାଂଶ ଟ୍ରେନ ଉତ୍ତର ଭାରତର ବୋଲି ଜଣାପଡିଛି । ତେବେ ୧୩୦ ଟ୍ରେନ ମଧ୍ୟରୁ ୧୦୪ଟି ଟ୍ରେନକୁ ୨୦୧୯ ଫେବ୍ରୁଆରି ୧୫ ପର୍ଯ୍ୟନ୍ତ ବାତିଲ କରାଯାଇଛି । ସେଥିମଧ୍ୟରୁ ୨୧ଟି ଟ୍ରେନ ଉତ୍ତର- ମଧ୍ୟ ରେଳ ବିଭାଗର ବୋଲି ସୂଚନା ରହିଛି । ବାତିଲ ଟ୍ରେନ ଯୋଗୁଁ ବିଶେଷ କରି ଜଳନ୍ଧର, ଅମୃତସହର, ପଠାନ କୋଟ, ଲକ୍ଷ୍ନୌ, କାନପୁର, ଯୋଧପୁର, ପ୍ରୟାଗ, ଦିଲ୍ଲୀ, ରାୟବରେଲି, ଗାଜିଆବାଦ, ମେରଠ ଓ ମୁରାଦାବାଦରେ ପ୍ରଭାବ ପଡିବ ।
ସେପଟେ ଉତ୍ତରପ୍ରଦେଶ ଆଗକୁ ହେବାକୁ ଥିବା ମହାକୁମ୍ଭ ମେଳା ହେତୁ ରେଳ ବିଭାଗ ନିଜକୁ ପ୍ରସ୍ତୁତ ରଖିଛି । ଷ୍ଟେସନ୍ର ବିକାଶ ଓ ସୁବିଧା ପାଇଁ ରେଳବାଇ ୭୦୦କୋଟି ଟଙ୍କା ଖର୍ଚ୍ଚ କରିଛି। କୁମ୍ଭମେଳାକୁ ଅଧିକ ସଂଖ୍ୟାରେ ଶ୍ରଦ୍ଧାଳୁଙ୍କ ସମାଗମ ଥିବାରୁ ରେଳ ବିଭାଗ ପକ୍ଷରୁ ୮୦୦ ଟ୍ରେନ ଚଳାଚଳ କରାଯିବ।