ଭାରତର ବିଦେଶୀ ମୁଦ୍ରାଭଣ୍ଡାର ୫୦୦ ବିଲିୟନ ଡଲାର ଟପିଲା, ବିଶ୍ବରେ ୫ମ ଵୃହତ୍ତମ
ନୂଆଦିଲ୍ଲୀ : ଭାରତର ବିଦେଶୀ ମୁଦ୍ରା ଭଣ୍ଡାର ୫୦୦ ବିଲିୟନ ଡଲାର ଟପିଯାଇଛି । ଏହା ଫଳରେ ଭାରତର ବିଦେଶୀ ମୁଦ୍ରା ଭଣ୍ଡାର ଏବେ ବିଶ୍ବରେ ୫ମ ଵୃହତ୍ତମ ବିଦେଶୀ ମୁଦ୍ରା ଭଣ୍ଡାରରେ ପରିଣତ ହୋଇଛି । ଏହି ପରିମାଣ ଦେଶର ମୋଟ ଘରୋଇ ଉତ୍ପାଦ (ଜିଡିପି)ର ଏକ ପଞ୍ଚମାଂଶ ହୋଇଥିବାବେଳେ ଏହା ୧୩ ମାସ ପାଇଁ ଭାରତର ଆମଦାନୀ ବିଲକୁ ମେଣ୍ଟାଇପାରିବ ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ରିଜର୍ଭ ବ୍ୟାଙ୍କ ପକ୍ଷରୁ ଶୁକ୍ରବାରଦିନ ଜାରି ରିପୋର୍ଟ ଅନୁସାରେ ଜୁନ ୨୬ରେ ସମାପ୍ତ ସପ୍ତାହରେ ଦେଶର ବିଦେଶୀ ମୁଦ୍ରା ଭଣ୍ଡାର ର ପରିମାଣ ୫୦୬.୮ ବିଲିୟନ ଡଲାର ଥିଲା ।
ଆଲୋଚ୍ୟ ସପ୍ତାହରେ ଦେଶର ମୋଟ ୫୦୧.୭୦ ବିଲିୟନ ଡଲାର ବୈଦେଶିକ ମୁଦ୍ରା ଭଣ୍ଡାର ମଧ୍ୟରୁ ଫରେନ କରେନ୍ସି ଆସେଟ (ଏଫସିଏ) ପରିମାଣ ପ୍ରାୟ ୪୬୭.୬୦ ବିଲିୟନ ଡଲାର ରହିଥିଲା । ଏହି ସପ୍ତାହରେ ଦେଶର ସ୍ୱର୍ଣ୍ଣ ଭଣ୍ଡାର (ଗୋଲ୍ଡ ରିଜର୍ଭ)ର ମୂଲ୍ୟ ପରିମାଣ ୭୦୭ ନିୟୁତ ଡଲାର ହ୍ରାସ ପାଇ ୩୩.୫୨ ବିଲିୟନ ଡଲାରରେ ପହଞ୍ଚିଛି । ସେହିପରି ଆଇଏମଏଫରେ ଭାରତର ସ୍ୱତନ୍ତ୍ର ଉଠାଣ ଅଧିକାର ବା ଏସଡିଆର ମୂଲ୍ୟ ୧.୪୪ ବିଲିୟନ ଡଲାର ଥିଲା । ବୈଦେଶିକ ମୁଦ୍ରା ଭଣ୍ଡାରରେ ବୃଦ୍ଧି ଗୋଟିଏ ଦେଶର ଆର୍ଥିକ ନିରାପତ୍ତା ଓ ସ୍ଥିରତାକୁ ବୁଝାଏ । ଏହା ଦେଶକୁ ଆର୍ଥିକ ଅସ୍ଥିରତାରୁ ରକ୍ଷା କରେ ।